காடுகளிலும் கெடும் மண் வளம்!

இன்றைய நவீன காலத்தில் மாறி வரும் சுற்றுச் சூழல், மாசுடன் நச்சுக்களும் அதிகரித்து வருவதால் நீர் மட்டுமல்ல, நிலமும் சீர்கெட்டு வருகிறது.

சமீபத்தில் ஐக்கிய நாடுகள் சபையின் பாலைவனமாதல் தடுப்பு அமைப்பு ஒரு ஆய்வை மேற்கொண்டது. அதில் கூறியுள்ள தகவல்கள் சீர்கெடும் மணல் வளம் குறித்த விசயங்களை வெளிச்சம் போட்டு காட்டியுள்ளது.

'உலகளவில் மண்வளத்தை பேணிக்காப்பது அனைவருக்குமான முழுமுதற் கடமை. இதில் நாம் அலட்சியமாக இருந்தால், 2050ம் ஆண்டிற்குள் உலகில் உள்ள 90 சதவீத மண்பரப்பு, அதன் வளத்தை இழந்து விடும் அபாயம் உள்ளது.

இதன்மூலம் உலகளவில் உணவு மற்றும் தண்ணீர் பற்றாக்குறை ஏற்படும்' என எச்சரிக்கை விடுத்துள்ளது.

இதற்கு காரணம் என்ன என்று யோசித்தால் பட்டியல் நீளும்.

குறுகிய நிலத்தில் கூட அதிகளவில் சாகுபடி என்பது இப்போது தொடர்கிறது.

இதற்காக நாம் நவீன தொழில்நுட்பங்களை பயன்படுத்தி வருகிறோம்.

இயற்கை உரங்களை மறந்து விட்டோம். செயற்கை பயன்பாடு அதிகரித்து விட்டது.

வேதியியல் உரங்களை அதிகளவில் பயன்படுத்துகிறோம். இதனால் மண்ணின் வளம் குன்றி அது மலடாகிறது.