1967-க்குப் பிறகு: தமிழக வாக்காளர்களும் தேசியக் கட்சிகளும்

ஒரு காலம் இருந்தது. தமிழ்நாட்டில் தேசியக் கட்சியான காங்கிரஸ் தொடர்ச்சியாக சட்டமன்றத் தேர்தல்களில் வென்று அசைக்க முடியாத சக்தியாக இருந்தகாலம். ஆனால் 1967-க்குப் பிறகு இந்த நிலை தலைகீழாக மாறிவிட்டது. இன்றுவரை திராவிடக் கட்சிகளே மாறிமாறி ஆட்சியில் உள்ளன. தேசியக்கட்சிகள் பல்வேறு உத்திகளைக் கடைபிடித்தும் வெற்றிபெற முடியாத நிலைமை நீடிக்கிறது.

தமிழ்நாட்டில் 1967 ஆம் ஆண்டுக்குப் பிறகு நடந்த தேர்தல்களில் தேசியக் கட்சிகளின் செயல்பாட்டை மட்டும் இந்த கட்டுரையில் பார்ப்போம். 1967 சட்டமன்றத் தேர்தலையும் சேர்த்து இது வரை பன்னிரண்டு சட்டமன்றத் தேர்தல்கள் நடந்து முடிந்துள்ளன. அதேபோல் அந்த ஆண்டிலிருந்து 14 நாடாளுமன்றத் தேர்தல்களில் தமிழக வாக்காளர்கள் வாக்களித்துள்ளனர்.