ഭാജിയെ പിന്തള്ളി അശ്വിൻ

ചെന്നെ: ഇംഗ്ലണ്ടിനെതിരായ രണ്ടാം ക്രിക്കറ്റ് ടെസ്റ്റിന്റെ ആദ്യ ഇന്നിങ്സിൽ പുതിയ നാഴികക്കല്ല് പിന്നിട്ട് ഇന്ത്യൻ ഓഫ് സ്പിന്നർ ആർ അശ്വിൻ. നാട്ടിൽ ഇന്ത്യക്കായി ടെസ്റ്റിൽ കൂടുതൽ വിക്കറ്റുകളെടുത്ത് രണ്ടാമത്തെ ബൗളറന്ന റെക്കോർഡാണ് അശ്വിനെ തേടിയെത്തിയത്. മുൻ ഇതിഹാസ സ്പിന്നർ ഹർഭജൻ സിംഗിനെ പിന്തള്ളിയാണ് ഈ നേട്ടം കൈവരിച്ചത്.

ഇന്ത്യയുടെ ഒന്നാമിന്നിങ്സായ 329 റൺസിനു മറുപടിയിൽ ഇംഗ്ലണ്ടിന്റെ മൂന്നു വിക്കറ്റുകൾ വീഴ്ത്തിയതോടെയാണ് അശ്വിൻ എലൈറ്റ് ലിസ്റ്റിൽ രണ്ടാംസ്ഥാനത്തേക്കു കയറിയത്. ഡോം സിബ്ലി , ഡാൻ ലോറൻസ്, ബെൻ സ്റ്റോക്സ് എന്നിവരുട വിക്കറ്റുകൾ അശ്വിൻ വീഴ്ത്തിയിരുന്നു. ഇതോടെ ഭാജിയെ അദ്ദേഹം മറികടക്കുകയായിരുന്നു.