ഡെന്നിസ് ജോസഫ് ഇനി ഓർമ

കഴിഞ്ഞ ദിവസം അന്തരിച്ച പ്രമുഖ തിരക്കഥാകൃത്തും സംവിധായകനും പത്രപ്രവർത്തകനുമായ ഡെന്നീസ് ജോസഫിൻറ മൃതദേഹം ചൊവ്വാഴ് ച ഔദ്യോഗിക ബഹുമതികളോടെ ഏറ്റുമാനൂർ ചെറുവാണ്ടൂരിലെ സെൻറ് സെബാസ്റ്റ്യൻസ് പള്ളി സെമിത്തേരിയിൽ സംസ്കരിച്ചു. ലോക്ഡൗൺ ആയതിനാൽ സിനിമാരംഗത്തെ പ്രമുഖർ ഉൾപ്പെടെ പലർക്കും സംസ്കാരച്ചടങ്ങുകളിൽ പങ്കെടുക്കാനായില്ല.

മുൻ മുഖ്യ മന്ത്രി ഉമ്മൻ ചാണ്ടി, എം.എൽ.എമാരായ തിരുവത്തൂർ രാധാകൃഷ്ണൻ, വി.എൻ. വാസവൻ, മോൻസ് ജോസഫ്, മുൻ എം.എൽ.എമാരായ കെ.സുരേഷ് കുറുപ്പ് തുടങ്ങിയവർ വസതിയിലെത്തി ആദരാഞ്ജലി അർപ്പിച്ചു.

മുഖ്യമന്ത്രിക്കും സംസ്ഥാന സർക്കാറിനും വേണ്ടി കോട്ടയം തഹസിൽദാർ എസ്.രാജശേഖരൻ റീത്ത് സമർപ്പിച്ചു.