പുതുവർഷത്തിൽ പൂവണിഞ്ഞ് ട്രാക്കിലെ പ്രണയം

2007ൽ ലോക യൂത്ത് മീറ്റിൽ പങ്കെടുക്കാൻ പട്യാലയിൽ നടന്ന കോച്ചിങ് ക്യാമ്പിൽ കണ്ടുമുട്ടിയത് മുതലുള്ള പരിചയമാണ് പ്രണയത്തിലും വിവാഹത്തിലുമെത്തിയത്.

ചാലക്കുടി രണ്ട് ദേശീയ കായിക താരങ്ങളുടെ അത്ലറ്റിക് ട്രാക്കിലെ പ്രണയം പുതുവർഷത്തിൽ പൂവണിഞ്ഞു. മധ്യദൂര ഓട്ടത്തിൽ ദേശീയ താരങ്ങളായ ചാലക്കുടി സ്വദേശി ജിതിൻ പോളും മംഗളുരു സ്വദേശിനി എം.ആർ. പുവമ്മയുമാണ് വിവാഹിതരായത്. ആളുർ ബി.എൽ.എമ്മിലാണ് താലികെട്ട് നടന്നത്. ചാലക്കുടി കോസ്കോസ് ക്ലബ് ഹാളിൽ സൽക്കാരവും നടന്നു.