నటన తప్ప మరో హాబీ లేదు - అనుపమా పరమేశ్వరన్

అప్సరస లాంటి అందం, ఆత్మ విశ్వాసం నిండిన అభినయంతో అందరినీ సులువుగా ఆకట్టుకునే బోల్డ్ అండ్ బ్యూటిఫుల్ హీరోయిన్ అనుపమా పరమేశ్వరన్. ఐదేళ్ల క్రితం మలయాళం లో 'ప్రేమమ్' సినిమాతో కెరీర్ మొదలు పెట్టి తెలుగులో 'అ ఆ'తో పరిచయమై అతితక్కువ చిత్రాలతోనే అగ్ర తారగా ఎదిగారు. ప్రేమ, నటన, జీవితం, సమాజంలాంటి ఏ అంశాల్లోనైనా ఆమెకు ఒక కచ్చిత మైన అభిప్రాయం ఉంటుంది. చేసే ప్రతి సీన్లో అంకిత భావాన్ని ప్రదర్శించే ఈ మలయాళ భామకు రెండు పదుల వయసు దాటగానే సినిమా అవకాశాలు వరుసకట్టాయి. ప్రతి చిత్రంలో తనదైన ముద్రతో ప్రేక్షకుల గుండెల్లో నిలిచిపోయే అనుపమా సినిమా అవకాశాల కోసం కాలేజీ చదువులను కూడా మధ్యలోనే వదిలేసారు. ఎక్కడికి వెళ్లినా , ఏంచేస్తున్నా నిత్యం అభిమానులతో కనెక్ట్ అవుతూ సోషల్ మీడియా ద్వారా తన సంగతులను తెలియ చేస్తూ లక్షల్లో అభిమానులను సంపాదించుకున్నారు. పదేళ్ల తర్వాత వెనక్కి తిరిగి చూస్తే ఫలానా క్యారెక్టర్ అద్భుతంగా చేసానని ప్రేక్షకులు చెప్పుకునే పాత్రల కోసం నిరంతరం తపి స్తుంటానని అంటున్న మలయాళీ భామ అనుపమా పరమేశ్వరన్ ఇంటర్వ్యూ విశేషాలు...

మీరు ఎప్పుడు చూసినా చాలా కూల్ గా ఎలా ఉంటారు?

ప్రశాంతంగా చిరునవ్వుతో గడపటం నాకిష్టం. అన్ని విషయాలను తేలికగా తీసుకుంటాను. లైలో ఏదీ ప్లానింగ్ తో చేయాలని అనుకోను. నాకు నచ్చిన పనిని కాన్ఫిడెన్స్ తో చేస్తాను. ఎక్కువగా ప్లానింగ్స్, ఎక్స్ పెక్టేషన్స్ ఉండవు కాబట్టి ప్రశాంతంగా ఉంటాను.