വിജയിക്കാൻ മാത്രമാണ് എന്റെ പോരാട്ടം

ജീവിതത്തിലെ പുതിയ പ്രതിസന്ധികളെ പതറാതെ നേരിട്ട അനുഭവം, ആദ്യമായി പങ്കുവയ്ക്കുന്നു പ്രശസ്ത ഹെയർസ്റ്റൈലിസ്റ്റും മേക്കപ് ആർട്ടിസ്റ്റുമായ അംബിക പിള്ള

- ചൈത്ര ലക്ഷ്മി

ഡോക്ടറുടെ മുന്നിലിരിക്കുമ്പോൾ എസി മുറിയിലെ തണുപ്പല്ല, ഭയമാണ് പൊതിയുന്നതെന്ന് ഞാൻ തിരിച്ചറിഞ്ഞു. പരിശോധനാഫലം നോക്കി ഡോക്ടർ ശാന്തമായി പറഞ്ഞു.

"കാൻസറാണ്. സ്തനാർബുദം.' ആ ഒറ്റ നിമിഷം കൊണ്ട് എന്റെ ലോകം കീഴ്മേൽ മറിഞ്ഞു. മരണത്തോടുള്ള ഭയമായിരുന്നില്ല എന്നെ കീഴടക്കിയത്. എന്റെ മകൾ തനിച്ചായിപ്പോകുമല്ലോ എന്നാണ് അപ്പോൾ ഓർത്തത്.