ഓറഞ്ചുതൊലിയുടെ അത്ഭുതഗുണങ്ങൾ

സൗന്ദര്യം

- ഡോ. എലിസബത്ത് ചാക്കോ, MD-കൽപ്പനാസ് ഇന്റർനാഷണൽ

ആരോഗ്യപരിപാലനത്തിനും സൗന്ദര്യ സംരക്ഷണത്തിനും ഒരുപോലെ പ്രാധ്യാന്യമുണ്ട് ഓറഞ്ചിന്. അതുപോലെ തന്നെ ഓറഞ്ചിന്റെ തൊലിയും സൗന്ദര്യ സംരക്ഷണത്തിന് ഒരു മുഖ്യഘടകമാണ്. ഓറഞ്ചിന്റെ തൊലി ഉപയോഗിക്കുന്നതിനുള്ള ഏറ്റവും മികച്ച മാർഗ്ഗം ഇത് നന്നായി ഉണക്കിയെടുത്ത് പൊടിച്ചെടുക്കുകയെന്നതാണ്. ഓറഞ്ചിന്റെ തൊലി വെയിലത്ത് വെച്ച് നന്നായി ഉണക്കിപ്പൊടിച്ചെടുക്കുക. ഈ പൊടി അടച്ചുറപ്പുള്ള പാത്രത്തിൽ ആറുമാസം വരെ കേടുകൂടാതെ സൂക്ഷിക്കാം.

തൈര്, ഓറഞ്ച് തൊലി ഫെയ്സ് പായ്ക്ക്

മുഖത്തിന് കൂടുതൽ ഉന്മേഷവും തിളക്കവും ലഭിക്കാൻ ഈ ഫെയ്സ് പായ്ക്ക് നല്ലതാണ്. ഒരു പാത്രത്തിൽ 1 ടീസ്പൂൺ ഓറഞ്ച് തൊലി പൊടിച്ചതും 2 ടീസ്പൂൺ തൈരും ചേർത്ത് നന്നായി യോജിപ്പിക്കുക. മുഖത്ത് പുരട്ടി 20 മിനിറ്റിനു ശേഷം കഴുകുക. അതിന് ശേഷം മോയിസ്ചറൈസർ പുരട്ടുക.

ഓറഞ്ച് തൊലി, ഗ്രീൻ ക്ലേ മാസ്ക്