ശ്രീനാരായണ ഗുരുദേവ ധർമ്മസ്ഥാപനങ്ങളിലെ സന്ദർശ്ശനവിശേഷങ്ങളിലൂടെ

ശിലയുമായെത്തിയ ഗുരു കുറെ സമയം ധ്യാനത്തിൽ മുഴുകിയെന്നും, ഗുരു വിന്റെ കണ്ണിൽ നിന്നും അശ്രുധാരയൊഴുകിയെന്നുമാണ് പറയപ്പെടുന്നത്. കുറെ കഴിഞ്ഞപ്പോൾ ചക്രവാളത്തിൽ നിന്ന് ഒരു ദിവ്യപ്രകാശം പ്രവഹി ച്ചെത്തിയെന്നും അത് ശിലയിലേക്ക് ലയിച്ച് ചേർന്നെന്നും അന്നത്തെ ദൃക്സാക്ഷികൾ രേഖപ്പെടുത്തിയിരിക്കുന്നു.

- ഡോ. പി. കെ. ജയകുമാരി

മരുത്വാമലയിലെ കഠിനതപസ്സിലൂടെ പൂർണ്ണ സാക്ഷാത്ക്കാരം നേടിയ കരുത്തോടെ, ഗുരു ജീവിതത്തിലെ അധിക സമയവും അരുവിപ്പുറത്തും, ശിവഗിരിയിലും കർമ്മനിരതനാവുകയായിരുന്നു.

തിരുവനന്തപുരം യാത്രയിൽ ശിവഗിരിയാണോ,അരുവിപ്പുറമാണോ ആദ്യം സന്ദർശിച്ചതെന്നൊന്നും ഞാൻ കൃത്യമായി ഓർമ്മിക്കുന്നില്ല. ഈ സ്ഥലങ്ങളൊക്കെ മനസ്സിൽ ഇന്നും മായാതെ കിടക്കുന്നുണ്ട്. അന്ന് ശ്രീനാരായണഗുരുവുമായി ബന്ധപ്പെട്ട സ്ഥലങ്ങൾ സന്ദർശ്ശിക്കാനായതിൽ ഞങ്ങളേക്കാൾ എത്രയോ പതിന്മടങ്ങ് സന്തോഷം ഞങ്ങളുടെ മാതാപിതാക്കൾ അനുഭവിച്ചിട്ടുണ്ടാവുമെന്ന് ഞാനിപ്പോൾ ചിന്തിക്കുകയാണ്. വിദേശരാജ്യങ്ങൾ സന്ദർശിച്ചപ്പോൾ ലഭിച്ച സന്തോഷത്തേക്കാൾ കൂടുതൽ ഹരം പകരുന്നതായിരുന്നു അന്നത്തെ തിരുവനന്തപുരം യാത്രയെന്ന് ഞാൻ നേരത്തെ സൂചിപ്പിച്ചിരുന്നല്ലോ. അമ്മയും അച്ഛനും ഗുരുദേവനെ ദർശിക്കാൻ ഭാഗ്യം സിദ്ധിച്ചിട്ടുള്ളവരായതിനാൽ, അരുവിപ്പുറവും ശിവഗിരിയും സന്ദർശിച്ചപ്പോൾ അവരുടെ സ്വപ്നം സാക്ഷാത്ക്കരിച്ചത് പോലെയിരുന്നു.

അരുവിപ്പുറത്തെ പ്രതിഷ്ഠയോടൊപ്പം ഒരു നൂറ്റാണ്ടിന്റെ യുഗപുരുഷനായി കേരളം അംഗീകരിച്ച ഗുരു അന്ന് ലോകത്തിന് നല്കിയ സന്ദേശം മനുഷ്യരാശി ഉള്ളിടത്തോളം കാലം നിലനില്ക്കുമെന്ന് തീർച്ച. ഗാനഗന്ധർവ്വനായ ശ്രീ.കെ.ജെ. യേശുദാസ് സിനിമയ്ക്ക് വേണ്ടി ആദ്യ മായി ശബ്ദം നൽകിയതും, സിനിമയ്ക്ക് വേണ്ടി റെക്കോഡ് ചെയ്യുന്നതിനുമായി ആലപിച്ച വരികളാണിവ.

കേരളസാമൂഹികചരിത്രത്തെ മാറ്റി മറിക്കാൻ പ്രേരകമായ ഗുരുദേവന്റെ ദിവ്യ വചനങ്ങളിലെ സാരാംശം ഉൾക്കൊണ്ട് വരിൽ ബോധമുണരാത്തവർ ആരെങ്കിലുമുണ്ടാവുമോ ഈ പാരിടത്തിൽ? എന്ന് ഞാൻ ചിന്തിക്കാറുണ്ട്.

"ജാതിഭേദം മതദ്വേഷം,
ഏതുമില്ലാതെ സർവരും,
സോദരത്വേന വാഴുന്ന,
മാതൃകാസ്ഥാനമാണിത് .

ഈ നാല് വരികൾ അരുവിപ്പുറത്തെ ക്ഷേത്രകവാടത്തിന് മുന്നിൽ എഴുതിവയ്ക്കുവാൻ ഭഗവാൻ നിർദ്ദേശിച്ചു. അരുവിപ്പുറം ക്ഷേത്രദർശനത്തിന് എത്തുന്നവരുടെ കണ്ണുകൾ ആദ്യം പതിയുന്നത് വിശാലദർശനമുള്ള ജനതയെ കോർത്തിണക്കുന്ന ഈ സ്വർണ്ണലിപികളിലേക്കാണ്. ഇടുങ്ങിയ ജാതിചിന്ത വച്ചുപുലർത്തുന്നവർ ഇന്ന് വിരലിലെണ്ണാവുന്നവരെ കാണൂ.

ഈ മാനസിക പരിവർത്തനത്തിന് തുടക്കം കുറിച്ച പുണ്യസ്ഥലമാണല്ലോ അരുവിപ്പുറം. ജാതി, മതം എന്നൊക്കെ പറഞ്ഞാൽ അറിയാത്ത പ്രായത്തി ലാണല്ലോ ഞങ്ങൾ ഈ സ്ഥലം സന്ദ ർശിക്കുന്നത്, അത് കൊണ്ട് തന്നെ അന്നതിന്റെ പ്രസക്തി ഞങ്ങൾക്ക് മനസ്സിലാക്കാനായിരുന്നില്ല.