అత్యాశకి శిక్ష

వికో రాబందు ఒక పెద్ద మర్రి చెట్టు మీద నివసించేది. ఒక రోజు దానికి చాలా ఆకలి వేసింది. తనకు ఇష్టమైన చనిపోయిన జంతువు దానికి దొరకలేదు. అప్పుడు దానికి ఒక పక్షి పిల్ల అరుపు వినిపించింది.

- తారా నిగమ్

వికో రాబందు ఒక పెద్ద మర్రి చెట్టు మీద నివసించేది. ఒక రోజు దానికి చాలా ఆకలి వేసింది. తనకు ఇష్టమైన చనిపోయిన జంతువు దానికి దొరకలేదు. అప్పుడు దానికి ఒక పక్షి పిల్ల అరుపు వినిపించింది.

వికో చుట్టూ చూసింది. ఒక గూటిలో ఒంటరిగా ఉన్న పక్షి పిల్ల దానికి కనిపించింది. ఆ పిల్ల తల్లిదండ్రులు కనిపించలేదు. ఆ పక్షి పిల్లను తన వేటగా మార్చుకోవాలనే ఉద్దేశంతో వికో ఆ గూడు దగ్గరికి వెళ్లింది.

పక్షి పిల్ల తల్లి, దానికి ఒంటరిగా ఉన్నప్పుడు అప్రమత్తంగా ఉండటం నేర్పించింది. అందుకే వికో దగ్గరికి రావడం చూసి అది ఒక ప్లాన్ వేసింది.

“మీరు నన్ను ఎందుకు తినాలనుకుంటున్నారు? నేను చాలా చిన్న దాన్ని. నన్ను తింటే మీ కడుపు నిండదు” అని పక్షి పిల్ల చెప్పింది.

“కడుపు అయితే నిండదు కానీ తినడానికి ఏదైనా పెద్ద జంతువు దొరికేంతవరకైనా ఆకలి చల్లారుతుంది" వికో చెప్పింది.

“అలాంటప్పుడు ఎదురుగా ఉన్న చెరువులో నుంచి లావుపాటి కప్పలను ఎందుకు పట్టుకోరు? ప్రతి కప్ప నాకంటే పెద్దది. మీ కడుపు నిండడానికి ఒకే ఒక కప్ప చాలు” అని పక్షి పిల్ల సలహా ఇచ్చింది.

వికో కిందికి చూసేసరికి లావుగా ఉన్న కప్పలు కనిపించాయి.

"ఈ పక్షి పిల్ల నిజం చెబుతోంది. కప్పలన్నీ పెద్దగా, లావుగా ఉన్నాయి" వికో ఆలోచించింది.