మొల్లీతో స్నేహం

చంపకవనం మధ్యలో ఒక అందమైన పెద్ద సరస్సు ఉంది. దాని చుట్టూ ఎత్తయిన చెట్లు ఉన్నాయి.

- కథ • లలిత్ శౌర్య

చంపకవనం మధ్యలో ఒక అందమైన పెద్ద సరస్సు ఉంది. దాని చుట్టూ ఎత్తయిన చెట్లు ఉన్నాయి. బాతుల గుంపులతోపాటు ఎన్నో జలచరాలకు ఇది నివాసస్థలం. బాతుల్లో ఒకదాని పేరు దొన్నా. ఆమె ఎంతో ముద్దుగా ఉండేది. పాలలాంటి తెల్లని రెక్కలు ఉన్నాయి.సరస్సులోని చేపలతోనూ ఆమె స్నేహం చేసింది.

ఒక రోజు తన స్నేహితురాలు మొల్లీ చేపతో “బయటి ప్రపంచం అద్భుతంగా ఉంది. అక్కడ పెద్ద చెట్లు, జలపాతాలు, పెద్ద పర్వతాలు ఉన్నాయి.

ఇవన్నీ చూడటం చాలా ఫన్నీగా ఉంటుంది" అని చెప్పింది.

“నీటిలోంచి బయటకు వచ్చి బయటి ప్రపంచం చూడాలని నాకూ కోరికగా ఉంది.ఈ సరస్సులో ఈత కొట్టి నేను అలసిపోయాను” చెప్పింది మొల్లీ.

"కానీ నీటిలోనూ సరదా ఉంటుంది! ఇది నీ ఇల్లు. మరి ఎందుకు విసుగు చెందాలి?”అడిగింది దొన్నా. “నాకు చెట్లు ఎక్కాలని, ఒక కొమ్మ నుంచి మరో కొమ్మ పైకి దూకాలని అలాగే పర్వతాలు, జలపాతాలు చూడాలని ఉంది" జవాబు ఇచ్చింది మొల్లీ.

“విచారపడకు, నేను నీకు నేల గురించి చెబుతాను. నీటి గురించి నువ్వు నాకు చెప్పాలి" అంది దొన్నా.

కానీ మొల్లీ నేలను స్వయంగా చూడాలనుకుంది.దాని గురించి వినాలనుకోలేదు.