స్పెషల్ ఫ్రెంన్షిప్

స్పెషల్ ఫ్రెంన్షిప్

- డా. కుసుమ్ రాణి నైతానీ

మధ్యాహ్న సమయంలో నదిలో నీళ్లు తాగి మోంటీ కోతుల బృందం తర్వాతి గమ్యంవైపు బయలుదేరింది. ఆ బృందం వెళ్లగానే డోడో, డానీ జింకలు నది వద్దకు చేరుకున్నారు. ఒక చెట్టు కింద విశ్రాంతి తీసుకోబోతున్నప్పుడు, టోనీ కోతి స్పృహ లేకుండా పడి ఉండటం వారు చూసారు.

“అతనికి ఏమైంది? అపస్మారక స్థితిలో ఉన్నాడనిపిస్తోంది. అతని శరీరంపై గాయాలు ఉన్నాయి. ఎవరితోనో పోట్లాడి ఉంటాడు. అందుకే ఈ పరిస్థితి ఏర్పడింది" అన్నాడు డోడో.

“ఏం చేద్దాం?” అడిగాడు డానీ.

అతన్ని కదిలించి చూసారు కానీ టోనీ స్పృహలో లేడు.

“డోడో, నదికి వెళ్లి కొన్ని నీళ్లు తీసుకురా. తాగితే అతని పరిస్థితి మారుతుందేమో...”.

"ఎలా తీసుకు రావాలి?”.

“నదిలో నీళ్లు పట్టుకోడానికి ఏదైనా వెతుకు. తప్పకుండా దొరుకుతుంది” జవాబు ఇచ్చాడు. డానీ.

నదివైపు పరుగెత్తాడు డోడో. డానీ చెప్పింది నిజమైంది. నది ఒడ్డున ఒక వెదురు గొట్టం కనిపించింది. దాన్ని నీటితో నింపుకుని వెంటనే పరుగెత్తుకొచ్చాడు. టోనీ ముఖంపై కొన్ని నీళ్లు చల్లి కొంచెం తాగించాడు. కొద్దిసేపటికి అతనికి స్పృహ వచ్చింది.

“నేను ఎక్కడ ఉన్నాను?” అని అతడు అడిగాడు.

"భయపడకు. చెట్టు కింద నువ్వు స్పృహ తప్పి పడిపోయి ఉన్నావు. నీకు ఇలా చేసిందెవరు?” అడిగాడు డానీ.

“మోంటీ కోతి.”

“ఎందుకు ఏమైంది?” అన్నాడు డోడో.

“మా బృందం అడవిని విడిచి వెళ్లింది. నేను మాత్రం వారితో వెళ్లడానికి ఇష్టపడలేదు. అందుకే ఇక్కడే ఉండిపోయాను. మోంటీ బృందం ఈ ప్రాంతాన్ని తమ ఆధీనంలోకి తెచ్చుకుంది. నన్ను వదిలించుకోవాలని చూస్తోంది. అందుకే ఈ పరిస్థితిలో ఉన్నాను.”

డోడో, డానీలతో మాట్లాడిన తర్వాత టోనీకి మంచిగా అనిపించింది.

“నువ్వు ఎక్కువ కాలం ఇక్కడ ఉండకూడదు.నీ బృందం దగ్గరకు వెళ్లిపో" డోడో సలహా ఇచ్చాడు.

“వారు చాలా దూరం వెళ్లారు. నేను వారిని చేరుకోలేను. కొంత సమయం తర్వాత తిరిగి వస్తారు.

అప్పుడు వారితో కలుస్తాను. సరే, నేను వెళ్తాను” అన్నాడు టోనీ.

“జాగ్రత్త. గాయాలకు చికిత్స చేయించుకో”.

“అలాగే. రేపు కొన్ని మూలికలు సేకరించి వాటిని మెత్తగా నూరి నా గాయాలకు రాస్తాను”.