മഴമേഘങ്ങൾ

വറ്റിവരണ്ട ഭൂമിയപ്പോൾ ആകാശത്തേക്ക് നോക്കി ചിന്തിച്ചു തുടങ്ങി.

- കെ. വത്സല

മഴമേഘങ്ങൾ മേയാനിറങ്ങിയ ആകാശച്ചെരുവിലൂടെ വിമാനം പോയപ്പോൾ മഴമേഘങ്ങൾക്കൊരു പുതി, “നമ്മൾക്കും വിമാനയാത്ര നടത്തിയാലോ?”

സമ്മതം ചോദിക്കാതെ വിമാനത്തിൽ ചാടിക്കയറിയ മഴമേഘങ്ങൾ പാട്ടുപാടി നൃത്തമാടിയപ്പോൾ വിമാനത്തിലാകെ മഴ പെയ്തിറങ്ങി.

ഇതെന്താ വിമാനത്തിൽ മഴ?” യാത്രക്കാർ അദ്ഭുതപ്പെട്ടു. അന്തം വിട്ട വൈമാനികൻ ഉടനെ ഒരു കുട നിവർത്തി. കുടയ്ക്കുള്ളിലിരിക്കുന്ന ആകാശയാത്രക്കാരെ  നോക്കി, ആകാശം ചിരിച്ചു, “ഹ ഹ ഹ

ഭൂമി ചിരിച്ചു, “ഹി ഹി ഹി

കാറ്റ് കൈകൊട്ടി ചിരിച്ചു, ഹു ഹു ഹു 

 "ആഹാ.... വിമാന മഴ” നിമിഷങ്ങൾക്കകം നാടായ നാടൊക്കെ വാർത്തയെത്തി.