கீழடி எனும் வரலாற்றுப் பெட்டகம்!

அடிக்கின்ற வெயிலுக்கு ஊட்டிக்கு போகலாமா? கொடைக்கானல் போகலாமா? என்று சிந்திப்பவர்களுக்கு மத்தியில் வரலாற்றைத் தேடுபவர்களும், தொன்மையை விரும்புபவர்களும் தேர்ந்தெடுக்கும் இடம் "கீழடி".

- ப.மோகனா அய்யாதுரை

தமிழ்நாடு தொல்லியல் துறை கீழடி அகழாய்வுத் தளத்தில் 2018ஆம் ஆண்டு முதல் தொடர்ந்து அய்ந்து கட்டங்களாக அகழாய்வு மேற்கொண்டு வருகிறது. 2015 ஆம் ஆண்டு முதல் மூன்று ஆண்டுகள் ஒன்றிய தொல்லியல் துறை அகழாய்வு செய்தது. ஆய்வாளர் அமர்நாத் ராமகிருஷ்ணனின் உழைப்பு கீழடியை உலகறியச் செய்தது தொடர்ந்து அகழாய்வுகள் மூலம் கீழடியில் கண்டுபிடிக்கப்பட்ட தொல் பொருள்களை உலகத் தமிழர்கள் பொதுமக்கள் காணும் வகையில் நமது பழங்காலக் கட்டடக்கலை அடிப்படையில், 'கீழடி அருங்காட்சியகம்' அமைக்கப்பட்டுள்ளது.

மதுரையிலிருந்து சுமார் 12 கி.மீ. தொலைவில் அதாவது சிவகங்கை மாவட்டம் கீழடியில் 2 ஏக்கர் பரப்பில் 31 ஆயிரம் சதுர அடியில் சுமார் 18 கோடியே 43 லட்ச ரூபாய் செலவில் அமைக்கப்பட்டுள்ள பாரம்பரிய அருங்காட்சியகத்தைப் பொது மக்கள் பலரும் கோடை விடுமுறையில் தங்கள் குடும்பத்தோடு பார்வையிட்டு வருகின்றனர்.

கீழடி அருங்காட்சியகத்தில்

1. மதுரையும் கீழடியும்
2.வேளாண்மையும் நீர் மேலாண்மையும்
3. கலம் செய்கோ
4. ஆடையும் அணிகலன்களும்
5. கடல் வழி வணிகம்
6.வாழ்வியல்