உயிரினங்களைக் கற்களாக மாற்றும் நாட்ரான் ஏரி

நீர் நிலைகள் என பொதுவாக நாம் கடல், ஏரி, குளம், கிணறு போன்றவற்றைத்தான் சொல்வோம். இவற்றில் பல வியப்புகளும் விசித்திரங்களும் நிறைந்த சில நீர்நிலைகளும் இருக்கத்தான் செய்கின்றன

- ப.மோகனா அய்யாதுரை

அந்த வகையில் அறியாதோர்க்குப் பல ஆச்சரியங்களையும், மர்மங்களையும் தன்னகத்தே கொண்டுள்ள ஒரு ஏரிதான் இந்த நாட்ரான் ஏரி (Natron Lake) நம்மை எல்லாம் வியப்பில் ஆழ்த்து இந்த ஏரியைப் பற்றி மேலும் தெரிந்து கொள்வோமா? 

சிவப்பு நிறத்தில் அழகாகவும், அதே நேரத்தில் கொஞ்சம் பயங்கரமாகவும் இருக்கும் இந்த ஏரி ஆப்பிரிக்கா கண்டத்தில் கென்யாவை எல்லையாகக் கொண்ட தான்சானியா (Tanzania) நாட்டின் வட பகுதியில் உள்ளது. இந்த ஏரியின் பரப்பளவு 1040 ச.கி.மீ. ஆகும். அதாவது இந்த ஏரியானது 57 கி.மீ. நீளமும் (35 மைல்), 22கி.மீ. அகலமும் (14 மைல்) கொண்டது. இதன் ஆழம் 1 அடி முதல் அதிகளவு 9.8 அடி வரை உள்ளது. அதாவது அதிகளவாக மூன்று மீட்டருக்கும் குறைவான ஆழத்தையே கொண்டுள்ளது. இந்த ஏரியைச் சுற்றியுள்ள மலைகளில் ஏற்படும் நீர் ஊற்றே ஏரியில் நீர் சேரக் காரணம். இது ஒரு காரத்தன்மை வாய்ந்த உப்பு ஏரி ஆகும்.