അമ്പമ്പോ, ബോട്സ്വാാാാാന

പേരിൽത്തന്നെ ആനയുള്ള ബോട്സ്വാനയിലാണ് ലോകത്ത് ഏറ്റവും കൂടുതൽ ആനകൾ! ആനക്കൂട്ടം ആ രാജ്യത്തിനിപ്പോൾ വലിയ തലവേദനയുമാണ്.

- അജീഷ് മുരളീധരൻ

അധികം കളിച്ചാൽ ജർമനിയിലേക്ക് 20,000 ആനകളെ കയറ്റി അയയ്ക്കുമെന്നു ഭീഷണിപ്പെടുത്തിയിരിക്കുകയാണ് ആഫ്രിക്കൻ രാജ്യമായ ബോട്സ്വാന. ആനവേട്ട നടത്തി ആനക്കൊമ്പും മറ്റും വിജയചിഹ്നമായി കൊണ്ടു വരുന്ന സാഹസിക വിനോദസഞ്ചാരികൾക്കു മൂക്കുകയറിടാൻ ജർമൻ പരിസ്ഥിതി മന്ത്രാലയം ഏർപ്പെടുത്തിയ നിരോധനമാണു ബോട്സ്വാനയെ പ്രകോപിപ്പിച്ചത്.

ആന പെരുകി; ആനവേട്ടയും

ലോകത്ത് ഏറ്റവും കൂടുതൽ ആനകളുള്ള രാജ്യമാണു ബോട്സ്വാന 1.3 ലക്ഷം ആനകൾ. പരമാവധി 60,000 ആനകളാണു തന്റെ രാജ്യത്തിന്റെ മനുഷ്യ മൃഗ സന്തുലിതാവസ്ഥയ്ക്കു താങ്ങാനാവുന്ന കണക്കെന്നു ബോട്സ്വാന പ്രസിഡന്റ് മോക്ഗ്വീറ്റ്സി മസീസി പറയുന്നു.