ஆம்புலன்ஸ், போலீஸ்...இரண்டுக்கும் சைரன் தேவை!

பதினான்கு வருடங்கள் கழித் தும் விடுதலை இல்லை, பரோல் மட்டுமே... சால்ட் & பெப்பர்லுக்... கைதி... ஆம்புலன்ஸ் டிரைவர்... இப்படி முற்றிலுமாக புது கெட்டப்பில் ஜெயம் ரவி. உடன் போலீசாக கீர்த்தி சுரேஷ்.

'ஒரு கெட்டவன் நல்லவனா நடிக்கறதைப் பார்த்திருக்கேன். ஆனா, ஒரு நல்லவன் இவ்வளவு நல்லவனா நடிக்கறதை இப்போ தான்யா பார்த்திருக்கேன்...'

இப்படி டீசரிலேயே ஆர்வமும், பல கேள்விகளும் தோன்ற வைக்கிறது 'சைரன்' படம்.

 "என்னுடைய மீடியா மற்றும் சினிமா பயணம் 17 வயசுல ஆரம்பிச்சுடுச்சு..." ஜாலியான சிரிப்பும், உற்சாகமும் ஒரு சேர பேசத்துவங்கினர் அறிமுக இயக்குநர் மற்றும் எழுத்தாளர் ஆண்டனி பாக்யராஜ்.

சிறுத்தை சிவா சார். அவர் எப்பவுமே ஒரு விஷயம் சொல்வார். நாம என்னதான் கடின உழைப்பால் உயர்ந்தும் கூடலக் அப்டின்னு ஒரு வார்த்தையில் சொல்லிடுவாங்கன்னு.

அதேதான். முதல் படமே எப்படி ஜெயம் ரவி, கீர்த்தி என பலரும் கேட்கறாங்க. ஆனா, ஒரு 17 வருடங்கள் பயணம் இதற்கு பின்னாடி இருக்கு. எனக்கு சென்னை பல்லாவரம், பம்மல் தான் பிறப்பு, வளர்ப்பு எல்லாம்.

ஆமா... சந்தானம் சார், சமந்தா எங்க ஏரியாகாரங்க தான். படிச்சது லயோலா கல்லூரியிலே விஸ்காம். என்னு டைய பெயரே எனக்கு சினிமா மேலே ஆர்வத்தை உண்டாக்கிடுச்சு. யார் பெயர் கேட்டாலும் 'ஆண்டனி பாக்யராஜ்' இப்படிச் சொன்ன உடனேயே 'ஓஹோ! டைரக்டரா வரப் போறானா...' இப்படித்தான் கேட்பாங்க.

அதுவே டைரக்டர்ன்னா என்ன, சினிமான்னா என்ன... இப்படி யோசிக்க வெச்சு, 7ம் வகுப்பு படிக்கும்போதே 'ரிட்டன் & டைரக்ஷன் பை ஆண்டனி பாக்யராஜ்'னு டெஸ்க்ல எழுதுகிற அளவுக்கு நான் சினிமாவை நேசிக்க ஆரம்பிச்சிட்டேன்.

பள்ளியில் படிக்கும்போதே என்னுடைய கரியர் ஆரம்பிச் சிருச்சு 17 வயசுல கல்லூரி படிக் கும்போதே வாலி சார் கூட ஒன்றரை வருஷம் ஒரு டிவி சேனல்ல வேலை செய்தேன்.

அப்பா ஆரோக்கியசாமி சரவணபவனில் சூப்பர்வைஸர், அம்மா செபஸ்டியம்மாள் தவறிட்டாங்க.

'சூர்ய வம்சம்', 'வல்லரசு', 'சங்கமம்' உள்ளிட்ட பல படங்களின் சினிமாட்டோகிராபர் சரவணன் சார் கிட்ட அசிஸ்டெண்ட் ஆக இருந்தேன். அவர்தான் என்னுடைய முதல் குருநாதர்.

தொடர்ந்து சாம் ஆண்டன் சார் கிட்ட அசிஸ்டெண்ட். என்னை ரைட்டர் ஆக்கினது எடிட்டர் ரூபன் அண்ணா. அதன் பிறகு சிவா சார், மித்ரன் அண்ணன் கூட ரைட்டரா 'விஸ்வாசம்', ‘அண்ணாத்த', 'இரும்புத்திரை' படங்களுக்கு திரைக்கதை எழு தினேன். இப்போ 'சைரன்'.

சைரன்...?