எம்-பாக்ஸ் வைரஸ் ஆபத்தா?

ரங்கம்மை என்ற எம்-பாக்ஸ் (Monkeypox) நோய்த் தொற்றை குறித்துதான் உலக நாடுகள் அனைத்தும் அலறுகின்றன.

- ஜான்சி

காரணம், கொடிய நோய்த் தொற்று வகையைச் சேர்ந்த எம்-பாக்ஸ், காங்கோ நாட்டில் வேகமாகப் பரவியதால் சுமார் 450 நபர்கள் உயிரிழந்தனர்.

தற்போது, மத்திய மற்றும் கிழக்கு ஆப்ரிக்காவின் சில பகுதிகளில் பரவி வருகிறது. இந்த வைரஸின் புதிய வகை திரிபு (Variant) மக்கள் மத்தியில் பரவும் வேகம் மற்றும் இதனால் அதிகரிக்கும் இறப்பு விகிதம் குறித்து விஞ்ஞானிகள் எச்சரிக்கின்றனர்.

எம்-பாக்ஸ் அறிகுறிகள் என்ன?

1958இல் டென்மார்க் தலைநகரம் கோபன்ஹேகனில் ஆய்வகத்தில் வளர்க்கப்பட்ட குரங்குகளிடையே முதலில் கண்டறியப்பட்டதால் இந்த வைரஸின் பெயர் 'மங்கைபாக்ஸ்'.

உலகை அச்சுறுத்திய பெரியம்மை வைரஸின் குடும்பத்தைச் சேர்ந்ததுதான் இந்த எம்-பாக்ஸ். 1970இல் ஆப்பிரிக்க நாடான காங்கோவில் முதன் முதலில் மனிதர்களுக்கு இந்த வைரஸ் தொற்று ஏற்பட்டிருப்பது கண்டறியப்பட்டது. அப்போது முதலே தொடர்ந்து காங்கோ நாட்டிலும் அதற்கு அக்கம் பக்க நாடுகளில் கூட இந்தத் தொற்று அடையாளம் காணப்பட்டு வருகிறது.

சிறிய வகை பாலூட்டி இனங்கள் எலிகள், அணில்களிடமும் குரங்குகளிடமும் இந்த வைரஸ் காணப்படுகிறது. இந்த விலங்குகள் கடிப்பதாலும், பிராணவிதாலும், அவற்றின் மாமிசத்தை முறையாக சமைக்காமல் உண்பதாலும், மாமிசத்தைத் தொடுவதாலும் தொற்று மனிதர்களுக்குப் பரவுகிறது.

தொற்று ஏற்பட்ட நாளிலிருந்து ஐந்து முதல் 21 நாட்களுக்குள் நோய் அறிகுறிகள் தோன்ற ஆரம்பிக்கும். அம்மை போல உடல் முழுவதும் செந்நிறப் படை தோன்றி பிறகு கொப்புளமாக மாறி, அந்த கொப்புளம் சருகாக உலர்ந்து காய்ந்து விழும். கூடவே காய்ச்சல், உடல் வலி, இருமல் போன்றவை இருக்கும். இந்த அறிகுறிகள் இரண்டு முதல் நான்கு வாரங்கள் வரை நீடிக்கலாம்.