ചെറിയ സിനിമകളുടെ വലിയ സാധ്യതകളിലേക്ക്....വിനീത്കുമാർ

ഞാൻ സൗഹൃദത്തിന് വളരെയധികം വില കൊടുക്കുന്ന ആളാണ്. എന്റെ കുട്ടിക്കാലത്തുള്ള സൗഹൃദങ്ങളെപ്പോലും ഇപ്പോഴും ഞാൻ നില നിർത്തുന്നുണ്ട്. സമയക്കുറവ് കാരണം എപ്പോഴും വിളിക്കാൻ കഴിഞ്ഞില്ലെങ്കിലും ആ ബന്ധങ്ങൾ എല്ലാം തന്നെ ഇപ്പോഴുമുണ്ട്.

- പി.ജി.എസ്. സൂരജ്

ബാലതാരമായി വന്ന് മലയാളികളുടെ ഹൃദയം കീഴടക്കിയ നടനാണ് വിനീത്കുമാർ. ഭരതവും, വടക്കൻ വീരഗാഥയും, ദശരഥവുമെല്ലാം വിനീത്കുമാർ ബാലതാരമായി വന്ന് മികച്ച പ്രകടനം കാഴ്ച വച്ച സിനിമകളാണ്. ദേവദൂതനിലെ നിഖിൽ മഹേശ്വർ എന്ന കഥാ പാത്രത്തിലൂടെ യുവതാരമായി വീണ്ടും അരങ്ങേറ്റം കുറിച്ചു. അപരിചിതൻ, കൺമഷി, സേതുരാമയ്യർ സി.ബി.ഐ, പുലിജന്മം തുടങ്ങിയ സിനിമകളിൽ മികച്ച കഥാപാത്രങ്ങളെ അവതരിപ്പിച്ചു. ഇടയ്ക്ക് അഭിനയത്തിൽ നിന്ന് ബ്രേക്കെടുത്ത് സംവിധാനത്തിലേക്ക് തിരിഞ്ഞു. 2015 ൽ ഫഹദ് ഫാസിലിനെ നായകനാക്കി അയാൾ ഞാനല്ല' എന്ന സിനിമ സംവിധാനം ചെയ്തു. ഇപ്പോൾ ടോവിനോ തോമസിനെ നായകനാക്കി 'ഡിയർ ഫ്രണ്ട്' എന്ന സിനിമയിലൂടെ വീണ്ടും തന്റെ സംവിധാനമികവ് തെളിയിച്ചിരിക്കുകയാണ് വിനീത് കുമാർ. തന്റെ സിനിമാവിശേഷങ്ങൾ നാനയോട് പങ്കുവയ്ക്കുകയാണ് അദ്ദേഹം.

ഒ.ടി.ടിയിൽ മികച്ച അഭിപ്രായം നേടിയിട്ടും ആദ്യം റിലീസായ തീയേറ്ററുകളിൽ എന്തുകൊണ്ടാണ് 'ഡിയർ ഫണ്ട് ശ്രദ്ധിക്കാതെ പോയത്?

ഓരോ സിനിമയും അതിന്റെ സ്വഭാവം അനുസരിച്ച് ഓരോ രീതിയിലാണല്ലോ പറയുന്നത്. ഡിയർ ഫ്രണ്ടിന്റെ തിരക്കഥ പൂർത്തിയായപ്പോൾ തന്നെ ഇത് ഒരു മാസ്സ് ഓഡിയൻസിനു വേണ്ടിയുള്ള സിനിമ അല്ല എന്ന ബോധ്യം ഞങ്ങൾക്കെല്ലാം ഉണ്ടായിരുന്നു. തീയേറ്ററുകളിൽ നിന്നും വലിയൊരു വിജയമൊന്നും ഞങ്ങൾ പ്രതീക്ഷിച്ചിരുന്നില്ല. എന്നാൽ സിനിമ എങ്ങനെ വിൽക്കണമെന്ന് ആദ്യമേ തന്നെ നിർമ്മാതാക്കളായ ഷൈജു ഖാലിദിനും സമീർ താഹിറിനും ധാരണയുണ്ടായിരുന്നു. ഒ.ടി.ടി എന്നത് ഇപ്പോൾ ചെറിയ സിനിമകൾക്ക് വലിയൊരു സാധ്യതയാണല്ലോ. വലിയൊരു വിഭാഗം പ്രേക്ഷകരും ഇത്തരം സിനിമകൾ ഓ.ടി.ടിയിൽ വരുന്നതും പ്രതീക്ഷിച്ചിരിക്കുകയാണ് എന്നതാണ് വാസ്തവം.

സിനിമയിൽ പ്രതിപാദിക്കുന്നതു പോലെയുള്ള എന്തെങ്കിലും സംഭവങ്ങൾ താങ്കളുടെ ജീവിതത്തിൽ ഉണ്ടായിട്ടുണ്ടോ?