കൈമുതലായി ആത്മവിശ്വാസം മാത്രം ജ്യോതികൃഷ്ണ

സിനിമയിൽ നല്ല കഥാപാത്രം കിട്ടുക, അവസരം കിട്ടുക എന്നൊക്കെ പറഞ്ഞാൽ അതൊരിക്കലും ഈസിയായി നടക്കുന്ന ഒരു കാര്യമല്ലെന്നും എനിക്ക് മനസ്സിലായിട്ടുണ്ട്.

-  ജി. കൃഷ്ണൻ

ഒരുപാട് ഒരുപാട് ആഗ്രഹിച്ചിട്ട് സിനിമയിലേക്ക് വന്ന ഒരു വ്യക്തിയാണ് ഞാൻ. തൃശൂരിലെ ഒരു പക്കാ നാട്ടിൻപുറത്തുനിന്നും വന്നിട്ടുള്ള ഒരു കുട്ടിയാണ് ഞാൻ.

എന്താണ് സിനിമയെന്നോ, എങ്ങനെയാണ് ഒരു സിനിമ നടക്കുന്നതെന്നോ ഉള്ള ഒരു ധാരണയും എനിക്കില്ലാത്ത സമയത്താണ് ഞാൻ സിനിമയിലേക്ക് വരുന്നത്.

അഭിനയിക്കാനുള്ള ഒരു കോൺഫിഡൻസ് ഉണ്ടെന്ന് എനിക്കറിയാമായിരുന്നു. ഒരു നടിയാകാനുള്ള വരവിൽ എനിക്കത് മാത്രമേ കൈമുതലായിട്ടുണ്ടായിരുന്നു. വീട്ടിൽ നിന്നും എനിക്ക് വലിയ സപ്പോർട്ടും ആ സമയത്തുമുണ്ടായിരുന്നില്ല. വീട്ടുകാരോട് എന്റെ സിനിമാമോഹം എങ്ങനെ പറയണമെന്ന് അറിയുകയുമില്ല. പറഞ്ഞാൽ, എതിർപ്പുണ്ടാകുമെന്ന കാര്യത്തിൽ ഒരു സംശയവും വേണ്ട. അതുകൊണ്ട് വീട്ടിൽ പറയാതെ തന്നെ നിന്നു. എന്റെ ആഗ്രഹം നടക്കുവാൻ പ്രാർത്ഥിച്ചു കൊണ്ടിരുന്നു.

 അങ്ങനെയിരിക്കുമ്പോൾ ഒരു ഫംഗ്ഷന് ഞാൻ പങ്കെടുക്കവെ ഒരു ആൽബത്തിൽ അഭിനയിക്കാമോ എന്നു ചോദിച്ചുകൊണ്ട് ഒരവസരം എന്നെ തേടിയെത്തുകയായിരുന്നു. അതുകഴിഞ്ഞാണ് സിനിമയിലേക്ക് വരുന്നത്.