ഫൺ ജോർണറിൽ ലൗലി

അഭിനേതാക്കൾക്കൊപ്പം ഒരു ഈച്ചയും പ്രധാന കഥാപാത്രമാകുന്ന ചിത്രം

- ജി. കൃഷ്ണൻ

ലൗലി.

ഇതൊരു യംഗ്സ്റ്റേഴ്സിന്റെ കഥ. ഇന്ന് ധാരാളം യുവാക്കൾ ജോലി തേടിയും ഉപരിപഠനത്തിനുമൊക്കെയായി പുറംരാജ്യങ്ങളിലേയ്ക്ക് പോകുന്നു. യു.കെ, കാനഡ, ഓസ്ട്രേലിയ... തുടങ്ങിയ രാജ്യങ്ങൾ അതിൽ പ്രധാനമാണ്.

ഇവിടെ "ലൗലി' എന്ന സിനിമ യുടെ കഥയിലും അത്തരമൊരു സാഹചര്യം വന്നുചേരുന്നുണ്ട്. ആ രീതിയിൽ ഇത് യൂത്തിന്റെ സിനിമയാണ്. അടിസ്ഥാനമായി പറയാവുന്നത് ഇതൊരു ഫൺ മൂവിയാണെന്നതാണ്.

ഒരു ഈച്ച ഈ സിനിമയുടെ കഥയിൽ പ്രധാന കഥാപാത മായി വരുന്നുണ്ടെന്നുള്ളതാണ് "ലൗലി' എന്ന സിനിമയുടെ പ്രത്യേകത.

ഇന്നത്തെ പുതിയ കാലഘട്ടത്തിലെ യുവാക്കൾ അഭിമുഖീകരിക്കുന്ന കുറെ കാര്യങ്ങളുണ്ട്. അതെല്ലാം ഈ സിനിമയിലൂടെ ലളിതമായി പറയുവാനാണ് സംവിധായകൻ ദിലീഷ് കരുണാകരൻ ശ്രമിക്കുന്നത്.

മനോജ് കെ. ജയൻ, മാത്യു തോമസ്, അശ്വതി മനോഹരൻ എന്നിവർ പ്രധാന കഥാപാത്രങ്ങളെ പ്രതിനിധീകരിച്ചെത്തുന്നു.

അനിമേറ്ററായി പ്രവർത്തനപരിചയം നേടിയിട്ടുള്ള ആളാണ് സംവിധായകൻ. ഗ്രാഫിക്സ് ജോലികളിലൂടെ ഈച്ചയുടെ സാന്നിദ്ധ്യം കഥാസന്ദർഭങ്ങളിലും കഥാപാത്രങ്ങൾക്കിടയിലും വരുന്നത് പുതുമകളോടെയായിരിക്കും.