എന്റെ കെട്ടുപ്രായം കഴിഞ്ഞു ആൻഡ്രിയ

ബഹുമുഖപ്രതിഭ എന്ന് വിശേഷിപ്പിക്കാം ആൻഡ്രിയായെ. സംഗീതജ്ഞ, ഗായിക, നർത്തകി, അഭിനേത്രി എന്നിങ്ങനെ സിനിമ യിലും എന്റർടെയ്ൻമെന്റ് മേഖലയിലും തന്റെ കഴിവ് പ്രകടിപ്പിച്ചു കൊണ്ടിരിക്കുന്ന താരമാണിവർ. ഇടയ്ക്കിടെ കിംവദന്തികളിലും കഥാപാത്രമാകാറുണ്ട്. വളരെ സെലക്ടീവായി മാത്രം കഥാപാത്ര ങ്ങൾ തെരഞ്ഞെടുത്ത് അഭിനയിക്കുന്ന ആൻഡ്രിയാ തന്റെ കാഴ്ചപാടുകളെക്കുറിച്ച് 'നാന'യുമാ യുള്ള അഭിമുഖത്തിലൂടെ വ്യക്തമാക്കുന്നു.

- അജയ്കുമാർ

കഥകളും കഥാപാത്രങ്ങളും തെരഞ്ഞെടുക്കുന്നത് എങ്ങനെയാണ്? ആൻഡ്രിയാ: അങ്ങനെ കൃത്യമായിട്ട് ഈ ചോദ്യത്തിന് ഉത്തരം പറയാനാവില്ല. ഇതു പോലുള്ള വേഷങ്ങൾ എനിക്ക് വേണം എന്ന് പത്തുപതിനഞ്ച് കൊല്ലം മുമ്പ് ഞാൻ പറഞ്ഞിട്ടുണ്ടാവാം. അന്ന് അത്തരത്തിലൊരു അന്തരീക്ഷമുണ്ടായിരുന്നു. എന്നാലിന്ന് ആരാണ് നിർമ്മാതാവ്, ആരാണ് സംവിധായകൻ? എന്നൊന്നും ഞാൻ അന്വേഷിക്കാറില്ല. ഇന്നത്തെ സിനിമാ നിർമ്മാണത്തിൽ ആദ്യം തന്നെ ടീം വളരെ പ്രധാനമാണ്. മാത്രമല്ല, ഞാൻ ചെയ്യാത്ത വിഷയം ആ സിനിമയിൽ പുതിയതായിട്ടുണ്ടെങ്കിൽ നന്നായിരിക്കും എന്ന് ഞാൻ ചിന്തിക്കും. ഒരേ മാതിരിയാണങ്കിൽ എനിക്കും പടം കാണുന്ന കാണികൾക്കും ബോറടിക്കും. അതുകൊണ്ട് പുതുമയുള്ള വ്യത്യസ്തമായി എന്തെങ്കിലും കഥകളോ കഥാപാത്രങ്ങളോ കിട്ടിയാൽ കൊള്ളാം എന്ന് കരുതുന്നു.