നെപ്പോകിഡ്

മലയാള സിനിമാചരിത്രത്തിൽ ഏവരുടേയും മനസ്സുകളിൽ ഇടം നേടിയ വില്ലന്മാരിൽ ഒരാളെന്ന സ്ഥാനം നേടിയെടുത്ത രതീഷിന്റെ മകനായ പത്മരാജ് 'നാന'ക്കൊപ്പം

- അപ്പൂസ് കെ.എസ്

കലാകാരന്മാരെ എപ്പോഴും ഓർത്തിരിക്കും എന്നതിന് ഉദാഹരണമാണ് അച്ഛൻ മരിച്ചിട്ട് ഇത്ര വർഷത്തിനുശേഷവും പ്രേക്ഷകരിൽ നിന്നും മക്കളായ നിങ്ങൾക്ക് ലഭിച്ചു കൊണ്ടിരിക്കുന്ന സ്നേഹം. എങ്ങനെയാണ് അതിനെ കാണുന്നത്?

തലമുറകളിൽ നിന്ന് തലമുറകളിലേക്ക് ആണ് ആ സ്നേഹം വരുന്നത്. ഞാൻ ഏത് ലൊക്കേഷനിൽ പോയാലും എല്ലാവർക്കും അച്ഛനെപ്പറ്റി എന്തെങ്കിലും ഒക്കെ പറയാനുണ്ടാകും. അച്ഛനുമായി ബന്ധപ്പെട്ട എന്തെങ്കിലും ഓർമ്മകൾ അവരെന്നോട് പറയും. അതൊക്കെ കേൾക്കുമ്പോൾ തന്നെ സന്തോഷമാണ്. അച്ഛൻ സ്ക്രീനിൽ വില്ലൻ ആയിരുന്നെങ്കിലും റിയൽ ലൈഫിൽ വളരെ നല്ല മനുഷ്യനായിരുന്നു എന്നതിന് ഉദാഹരണമാണ് അതെല്ലാം. സിനിമാമേഖലയിൽ അല്ലാതെ അതിന് പുറത്തുള്ള വരും എന്നോട് അച്ഛനെപ്പറ്റി സംസാരിച്ചിട്ടുണ്ട്. രതീഷിന്റെ മകനാണ് എന്നതിൽ എനിക്കും ഒരുപാട് സ്നേഹം ലഭിക്കാറുണ്ട്.

അച്ഛന്റെ അപ്രതീക്ഷിത വിയോഗം എങ്ങനെയായിരുന്നു ചെറിയ കുട്ടിയായ പത്മരാജ് ഉൾക്കൊണ്ടത്?

ഇപ്പോൾ അച്ഛൻ മരിച്ചിട്ട് 22 വർഷം കഴിഞ്ഞു. എന്നാലും അച്ഛൻ ഇല്ല എന്നുള്ള ഒരു വേദന അമ്മ ഞങ്ങളെ അറിയിച്ചിട്ടില്ല. അമ്മ എപ്പോഴും ഞങ്ങളുടെ കൂടെയുണ്ടായിരുന്നു. പിന്നെ അച്ഛന്റെ സുഹൃത്തുക്കളും ഞങ്ങളുടെ കൂടെയുണ്ടായി. സുരേഷ്ഗോപി അങ്കിളും, മമ്മുക്കയും ഒക്കേ വേദനയിൽ ഞങ്ങൾക്കൊപ്പം ഉണ്ടായിരുന്നു. അതൊക്കെ അച്ഛന്റെ അനു ഗ്രഹം തന്നെയായിരുന്നു.

രതീഷ് സാർ അധികം ഐ.വി. ശശി സിനിമകളിലാണ് അഭിനയിച്ചിരുന്നത്. അച്ഛൻ തന്റെ സിനിമാ അനുഭവങ്ങൾ നിങ്ങളുമായി പങ്കുവയ്ക്കാറുണ്ടായിരുന്നോ?