మురికి వాడలను మీరే తీర్చి దిద్దండి

ఉత్తరప్రదేశ్ రాజధాని లక్నోలోని హజరత్ గంజ్, డాలీబాగ్ మధ్య ఒక పేదల బస్తీ ఉంది. ఆ బస్తీలో ఎక్కువ భాగంలో కొందరు గోదాములు ఏర్పాటు చేసు కున్నారు. కొన్ని కుటుంబాలు అక్కడ నివసిస్తున్నాయి. ఈ కుటుంబాలలో స్కూల్కు వెళ్లే దాదాపు 100 మంది చిన్న, పెద్ద పిల్లలు ఉన్నారు.

- శైలేంద్ర సింగ్

ఉత్తరప్రదేశ్ రాజధాని లక్నోలోని హజరత్ గంజ్, డాలీబాగ్ మధ్య ఒక పేదల బస్తీ ఉంది. ఆ బస్తీలో ఎక్కువ భాగంలో కొందరు గోదాములు ఏర్పాటు చేసు కున్నారు. కొన్ని కుటుంబాలు అక్కడ నివసిస్తున్నాయి. ఈ కుటుంబాలలో స్కూల్కు వెళ్లే దాదాపు 100 మంది చిన్న, పెద్ద పిల్లలు ఉన్నారు.

ఈ బస్తీకి కొంచెం దూరంలో 'లెట్స్ గివ్ హెూప్' ఫౌండేషన్ వ్యవస్థాపకులు అశీష్ మౌర్య నివసిస్తున్నారు. రోజంతా ఈ పిల్లలు ఇక్కడ అక్కడ తిరగడం చూసారు. పిల్లలు కొన్నిసార్లు కూడళ్లలో అడుక్కునేవారు. మరికొన్నిసార్లు ఏదైనా షాపులో పాత్రలు కడిగేవారు.

అశీష్ మౌర్య క్రమంగా ఈ పిల్లలతో మాట్లాడటం మొదలు పెట్టారు. తర్వాత నెమ్మదిగా వారి కుటుంబాల వారితోనూ మాట్లాడారు.అతి కష్టంగా 10 మంది పిల్లలను స్కూలుకు పంపించడానికి ఒప్పించారు.

2019 సంవత్సరంలో ఈ పిల్లలను 'నర్జీ'లో ఉన్న ఒక ప్రభుత్వ పాఠశాలలో చేర్పించారు. స్కూల్లో చేరిన తర్వాత పిల్లలకు కాపీలు, పుస్తకాలు, డ్రెస్సులు, ఆహారం అందడం మొదలైంది. పిల్లలు స్కూల్కి రాసాగారు. గమనించాల్సిన విషయమేమిటంటే కరోనా సమయంలో స్కూల్ మూత పడ్డా ఈ పిల్లలు స్కూల్ టైం టేబుల్ ప్రకారం చదువుకున్నారు. కరోనా వెళ్లిపోయిన తర్వాత ఈ పిల్లలు తిరిగి స్కూల్కు రాసాగారు. ముఖ్యమైన విషయమేమిటంటే ఇక్కడ స్కూల్లో పేరెంట్స్ మీటింగ్ కి చాలామంది పిల్లల తల్లిదండ్రులు వెళ్తుంటారు.

అశీష్ మౌర్య కొద్ది విజయాన్నే సాధించి ఉండవచ్చు. కానీ, ఆ విజయం మురికి వాడలు అందంగా మార్చడానికి, అక్కడ ఉన్న పిల్లలను చదివించాల్సిన అవసరముందని గ్రహించడానికి ప్రజలకు ఒక దారి చూపింది.

సామాజిక సహకారం కావాలి 

ప్రతి పనికి ప్రభుత్వ సహకారం కోసం ఎదురుచూడటం మంచిది కాదు.ప్రభుత్వం రూపొందించిన వ్యవస్థతో కలిసి ప్రజలు, సమాజం కోసం పనిచేసే వ్యక్తులు ముందుకు రావాలి. అంతేకాదు అక్కడ నివసించేవారు అందులో భాగస్వాములు కావాలి.