നഷ്ടങ്ങളിൽ മനസ്സ് കുരുങ്ങരുത്

ജീവിതത്തിൽ പ്രയാസങ്ങളുണ്ടാവുമ്പോൾ മനസ്സിനെ അതിൽത്തന്നെ കുരുക്കിയിടരുത്. അതുവരെ ചെയ്തു കൊണ്ടിരുന്നതും ഇനി ചെയ്യാൻ കഴിയുന്നതുമായ മറ്റ് കാര്യങ്ങളിലേക്ക് ചിന്തകളെയും പ്രവൃത്തിയെയും നയിക്കണം

- ഡോ.സെബിൻഎസ്.കൊട്ടാരം കൺസൾട്ടന്റ്സൈക്കോളജിസ്റ്റ് മോട്ടിവേഷണൽട്രെയ്നർ drsebinskottaram.blogspot.com

അനു പ്ലസ് ടു വിദ്യാർഥിനിയാണ്. ഒപ്പം, മെഡിക്കൽ പ്രവേശന പരീക്ഷയ്ക്കും തയ്യാറെടുക്കുന്നു. പ്ലസ് വണ്ണിൽ നല്ല മാർക്കുണ്ടായിരുന്നു. എന്നാൽ, പ്ലസ് ടു ആയതോടെ മാർക്ക് കുറഞ്ഞു. അതോടെ മെഡിസിന് അഡ്മിഷൻ കിട്ടില്ലേ എന്ന് ആശങ്കയായി ശ്രദ്ധയോടെ പഠിക്കാനുള്ള താത്പര്യം പോലും നഷ്ടപ്പെട്ടു.

പ്ലസ് ടുവിൽ എത്തിയപ്പോൾ ഒരു വിഷയത്തിലെ ഒരധ്യായം ശരിക്കും മനസ്സിലായില്ല. അതിനെക്കുറിച്ച് ആകുലപ്പെട്ടിരിക്കാൻ തുടങ്ങിയതോടെ മറ്റുള്ളതും നന്നായി ശ്രദ്ധിക്കാൻ കഴിഞ്ഞില്ല. അതോടെ പഠനത്തിന്റെ താളം തെറ്റി.

പലരുടെയും ജീവിതത്തിന്റെ മുന്നോട്ടുള്ള പ്രയാണത്തെ തടസ്സപ്പെടുത്തുന്നത്, ആകുലപ്പെടുത്തുന്ന ചില ചിന്തകളിൽ മനസ്സ് തട്ടിനിൽക്കുന്നതാണ്. അപ്രതീക്ഷിതമായി അനിഷ്ടകരമായ സാഹചര്യം കടന്നുവരുമ്പോൾ, അതുവരെയുള്ള അനുഗ്രഹങ്ങളെയും വിജയങ്ങളെയുമെല്ലാം അവഗണിച്ച്, എല്ലാം തീർന്നുവെന്ന മട്ടിൽ മനസ്സ് അതിലുടക്കി ഉത്കണ്ഠയിലും നിരാശയിലും കഴിയുന്ന അനേകം പേരുണ്ട്.

അപ്രതീക്ഷിതമായി പ്രയാസങ്ങൾ ജീവിതത്തിലേക്ക് വരുന്നത് വിവിധ രൂപത്തിലാകാം. ആ നഷ്ടത്തെക്കുറിച്ചുതന്നെ ചിന്തിച്ചു കൊണ്ടിരുന്നാൽ, അത് വിഷാദത്തിലേക്കും ഉത്കണ്ഠയിലേക്കും നിരാശയിലേക്കും നിഷ്ക്രിയത്വത്തിലേക്കും നയിക്കും. പലപ്പോഴും നാം നേരിടുന്ന പ്രശ്നങ്ങളല്ല, മറിച്ച് അതിനെക്കുറിച്ച് എങ്ങനെ ചിന്തിക്കുന്നുവെന്നതും അതിനോട് എങ്ങനെ പ്രതികരിക്കുന്നുവെന്നതുമാണ് വിഷമങ്ങൾക്ക് കാരണം. ഒരു പരാജയമുണ്ടാകുമ്പോൾ, ചിലർ നിഷ്ക്രിയരായി നിരാശയിലേക്ക് വീഴുമ്പോൾ മറ്റ് ചിലർ അതിൽനിന്ന് പാഠങ്ങളുൾക്കൊണ്ട് തെറ്റുതിരുത്തി വിജയം നേടുന്നു.

എങ്ങനെ നേരിടാം