കറുവ

ഔഷധമൂല്യമുള്ള കറുവപ്പട്ട, വിവിധമരുന്നുകളിലെ ചേരുവയാണ്

- ഡോ.പ്രിയ ദേവദത്ത്

നിത്യഹരിതമായ ഒരു ചെറുവൃക്ഷമാണ് കറുവ (ഇലവംഗം). സുഗന്ധ ദ്രവ്യങ്ങളിൽ പ്രധാനിയായ കറുവപ്പട്ട ഇലവംഗ മരത്തിന്റെ കരിന്തൊലി ഉണക്കിയെടുത്തതാണ്. മരത്തൊലിയിൽ അടങ്ങിയ 'cinnamonaldehyde' എന്ന സുഗന്ധതൈലം ആണ് കറുവപ്പട്ടയുടെ മണത്തിനും രുചിക്കും പിന്നിൽ, മണമുള്ള തൊലിയും ഇലയും പൂക്കളുമാണ് ഇലവംഗത്തിനുള്ളത്.

ഉണർവും ഉന്മേഷവും ഓർമ്മയുമൊക്കെ കറുവപ്പട്ട നൽകും. ദഹനപ്രശ്നങ്ങൾ അകറ്റാൻ ഉത്തമമായ കറുവ പട്ട കറി മസാലക്കൂട്ടുകളിലെ മുഖ്യ ചേരുവയാണ്. ഇലവംഗത്തിന്റെ തൊലി നീളത്തിൽ ചുരുട്ടിയെടുത്തോ നേർമ്മയായി പൊടിച്ചോ സൂക്ഷിക്കുന്നു. അകത്തെ തൊലിക്കാണ് ഗുണം കൂടുതൽ. ഔഷധമൂല്യമുള്ള കറുവപ്പട്ട, വിവിധമരുന്നുകളിലെ ചേരുവയാണ്.