வாரியர்

உயிரைக் காப்பாற்றும் ஒரு டாக்டர், ரவுடிகளை நையப்புடைக்கும் போலீசாக மாறினால் என்னாகும் என்பதே படத்தின் ஒன்லைன் ஸ்டோரி.

ராமின் அம்மா நதியா சிங்கிள் மதர். ரேடியோ ஜாக்கியான விசில் மகாலட்சுமிக்கும் (கீர்த்தி ஷெட்டி) ராம் பேமிலிக்கும் ஆரம்பத்திலேயே ஒரு பிணைப்பு உண்டாகிறது.

நடுரோட்டில் ரவுடிகள் ஒருவரை வெட்டி சாய்க்கிறார்கள். குற்றுயிராய் கிடக்கும் அந்த ஆசாமியை காப்பாற்றி உயிர் கொடுக்கிறார் ராம்.

ஆனால் ரவுடிகள் மறுபடி ஹாஸ்பிடலுக்கு சென்று அந்த ஆளை கொன்று விடுகின்றனர்.

'அவனுங்க குருவோட (ஆதி) ஆட்கள், அவங்களை எதிர்த்துட்டு இங்க எதுவும் பண்ண முடியாது' என்று ராமிடம் சொல்கிறார்கள்.

அதையும் கேட்காமல் ராம். போலீசில் புகார் செய்தும் பயனில்லை. பதிலுக்கு கர்ப்பிணி அக்காவுடன் காரில் போகும் ராம் மீது லாரி ஏற்றி கொல்லப் பார்க்கிறார்கள். இந்த சமயத்தில் குருவின் பினாமியுடைய மருந்து கம்பெனியில் இருந்து வந்த போலி மருந்துகளால் சில குழந்தைகள் இறந்து போகின்றன.

இனியும் பொறுத்துக் கொள்ள முடியாது என்று பொங்கி எழும் ராம், கோர்ட் வரை சென்று அந்த மருந்து கம்பெனியை இழுத்து மூடி சீல் வைக்கக் செய்கிறார். இதனால் ஆத்திரமடையும் ஆதி, தானே நேரடியாக களத்தில் இறங்கி ராமை, அடித்து துவைத்து தொங்க விடுகிறார்.