உறவுச் சங்கிலி...

என்ன டாக்டர் சொல்றீங்க..?" அதிர்ச்சியுடன் வினவினான் கார்த்திக். அவன் அருகில் இருந்த வீணா அவர் சொன்ன வார்த்தையை ஜீரணிக்க முடியாமல் வாயடைத்து விழித்தாள்..

- அஜுத்யா காந்தன்

டாக்டர் நிதானமாக அவர்களை ஏறிட்டார்.. மூக்கில் இருந்த கண்ணாடியை ஒற்றை விரலால் மேலே தூக்கி விட்டுக் கொண்டார்..

அவரை பயத்துடன் பார்த்த எதிரிலிருந்த தம்பதியை பரிதாபமாக பார்த்தார்..

'இது ஒருவகையான மனநோய்..' அவர் சொன்ன வார்த்தைகளை தாங்க முடியாமல் ”மூணு வயசு குழந்தைக்கு மனநோயா..? எப்படி டாக்டர்..?" வீணா பதட்டத்துடன் வினவினாள்..

"எப்படின்னு என்னை கேட்டா..? நீங்கதான் சொன்னீங்களே..

அதுதான் காரணம்.. " வார்த்தைகளை திருப்பி படித்தார் டாக்டர்..

"நாங்க என்ன சொன்னோம் டாக்டர்..?” அப்போதும் புரியாமல் வினவினாள்.. பக்கத்திலிருந்த மகன் சஞ்சயை கவனித்தான் கார்த்திக்..