கதாநாயகிகளை கவர்ச்சி முன்னேற்றும்!

இந்த 25 வயதிலேயே வாழ்க்கையின் மேடு, பள்ளம், புகழ் மற்றும் பெருமை ஆகியவற்றை பார்த்து விட்டதாக சொல்கிறார் ஜான்விகபூர். திரையில் ஒரு சிறந்த நடிகையாக முத்திரை பதிக்க வேண்டும் என்ற ஆவலுடன் நடைபோடும் ஸ்ரீதேவியின் மகளான ஜான்வி, தற்போது தென்னிந்திய சினிமாவிலும் அடியெடுத்து வைத்துள்ளார். அவருடன் ஒரு பேட்டி

- திருமகன்

தெலுங்கில் ஜூனியர் என்.டி.ஆர்.ஜோடியாகி உள்ளது பற்றி?

எந்த மொழி என்றாலும் எனது பணியை சிறப்பாக செய்ய விரும்புகிறேன். எனது சிறந்த நடிப்பின் மூலம் முன்னேற்றம் காண வேண்டும். இதன் மூலம் எனது ரசிகர்களுடன் உறவை ஏற்படுத்திக் கொள்ள வேண்டும்.

நீங்கள் திட்டமிட்டு ஒரு பாதையை வகுத்து அதன் வழியில் நடப்பவரா?

ஒரு சாலையின் வரைபடத்தை வைத்திருப்பது அதிக பாதுகாப்பானது என்று நினைப்பவள் நான். இந்த வேலையில் 99 சதவீதம் விஷயங்கள் திட்டமிட்டபடி நடப்பதில்லை. ஆனால் திட்டமிட்டால் எல்லாம் சிறப்பாக செயல்படும் என்பதை நான் கற்றுக்கொண்டேன்.

அதே நேரம் நான் போகிற போக்கில் செல்கிறேன். ஒரு நேரத்தில் அளவுக்கு அதிகமாக சிந்திப்பவளாக இருந்தேன். ஆனால் இப்போது மிகவும் ரிலாக்ஸ் ஆக இருக்க விரும்புகிறேன்.

பிடித்த வேடங்கள்? 

மனதைக் கவரும் காதல் கதையில் நடிக்க அதிக ஆர்வத்துடன் காத்திருக்கிறேன். சற்று பின்னோக்கி பார்த்தால் நான் வழக்கமான ஹீரோயின்களை போல திரையில் சித்தரித்து காட்டப்படவில்லை என்று நினைக்கிறேன். ஹீரோ வரும் இடத்தில் ஒரு விதமான பார்வை பார்த்து காதல் பாடலை பாடுறவர்தான் ஹீரோயின் என்ற பிம்பம் இருகிறது. ஆனால் அது போன்ற காட்சிகளில் நான் இல்லை.

ஆனால் வணிக ரீதியான கதாநாயகி அழகாகவும், கவர்ச்சியாகவும் காட்டப்பட்டு தொடர்ச்சியாக முன்னேறுகிறாள்.

ஜான்வி... நிஜத்தில் எப்படி?