ജോലി മാറുമ്പോൾ, ഹെൽത്ത് പോളിസി മാറണോ?

ജോലി മാറുമ്പോൾ, ജോലിയിൽനിന്നു പിരിച്ചുവിട്ടാൽ നിങ്ങൾക്കും കുടുംബത്തിനും വരുന്ന ആശുപത്രി ചെലവുകൾക്ക് എങ്ങനെ പണം കണ്ടെത്തും?

തൊഴിലുടമ നൽകുന്ന ഗ്രൂപ്പ് ഇൻഷുറൻസ് സ്കീം ജീവനക്കാരന്റെ അവസാന പ്രവൃത്തി ദിവസത്തിൽ അവസാനിക്കും. എന്നാൽ, തൊഴിലുടമയുടെ ഗ്രൂപ്പ് പോളിസിയിൽ നിന്ന് വ്യക്തിഗത ഇൻഷുറൻസിലേക്കു മാറുന്നതിനുള്ള ഓപ്ഷൻ കുറച്ച് ഇൻഷുറൻസ് കമ്പനികൾ വാഗ്ദാനം ചെയ്യുന്നുണ്ട്. എന്നാൽ, ഇവിടെ പോളിസിയുടെ നിബന്ധനകളും വ്യവസ്ഥകളും തീരുമാനിക്കുന്നതിനുള്ള പൂർണ അധികാരം ഇൻഷുറൻസ് ദാതാവിനായിരിക്കും. അതിനാൽ, വ്യക്തിഗത പ്ലാനിലേക്കു മാറാൻ സൗകര്യം ലഭിച്ചാൽ അക്കാര്യം നിങ്ങളുടെ തൊഴിലുടമയുമായി സംസാരിച്ചു തീരുമാനിക്കണം. അധിക പ്രീമിയം അടയ്ക്കേണ്ടി വന്നേക്കാം. കൂടാതെ, ഗ്രൂപ്പിൽ നിന്നു വ്യക്തിഗത പ്ലാനിലേക്കു മാറുന്നതിനു മെഡിക്കൽ സർട്ടിഫിക്കറ്റ് നൽകേണ്ടിയും വരാം.