അളക്കാനാവാത്തതാണ് അമൂല്യം

ടി.വിക്കുള്ള വില മക്കൾക്കില്ല. പണം കൊണ്ട് അളക്കാവുന്നതാണ് വില. ടി.വി ഒരു വസ്തുവാണ്. കുഞ്ഞുമനസ്സ് ജീവനും.

മനസ്സിലെ ആഗ്രഹം വെച്ച് ദൈവത്തിന്  ഒരപേക്ഷ എഴുതാൻ ടീച്ചർ കൊച്ചുകുട്ടികളോട് പറഞ്ഞു. ഉത്തരങ്ങൾ വാങ്ങി വീട്ടിലെത്തി അവരത് വായിച്ചു. അതിലൊന്ന് അവരെ കരയിച്ചു.

“ദൈവമേ, എന്നെ ഒരു ടി.വിയാക്കി മാറ്റണം" എന്നാണ് കുട്ടിയുടെ അപേക്ഷ. “എല്ലാവർക്കും ടി.വിയെ ഇഷ്ടമാണ്. അച്ഛനും അമ്മയും അതിന് മുന്നിലിരുന്നാൽ എന്നെ തിരിഞ്ഞുനോക്കില്ല. എന്നെ അവർ നോക്കണം. അതിന് എന്നെ ടി.വിയാക്കണം.

ടീച്ചർ ആ ഉത്തരം ഭർത്താവിന് കാണിച്ചു. അദ്ദേഹവും വല്ലാതായി; “എന്തു കൂട്ടരാണ് ഈ കുട്ടിയുടെ അച്ഛനമ്മമാർ' എന്നുപറയുകയും ചെയ്തു. ടീച്ചർ പറഞ്ഞു: “ആ ഉത്തരം നമ്മുടെ മോന്റേതാണ്.

ടി.വിക്കുള്ള വില മക്കൾക്കില്ല. പണംകൊണ്ട് അളക്കാവുന്നതാണ് വില. ടി.വി ഒരു വസ്തുവാണ്. കുഞ്ഞു മനസ്സ് ജീവനും. ടി.വിക്കുള്ളത് വിലയാണ്. മനസ്സിന് മൂല്യവും.