മാരിയത്തുൽ കിബ്തിയ

കോളജ് പഠനകാലത്ത് തങ്ങൾ നിരന്തരം ‘പണി’ കൊടുത്തിരുന്ന ജൂനിയർ വിദ്വാർഥി അവസരം കിട്ടിയപ്പോൾ തിരിച്ച് 'മുട്ടൻപണി നൽകിയ സംഭവം ഓർത്തെടുക്കുകയാണ് ലേഖിക

2002 ഡിഗ്രിക്ക് ആലുവ യു.സി കോളജിൽ പഠിക്കുന്ന കാലം. ത്രീ ഇഡിയറ്റ്സ് എന്ന സിനിമയിലെപ്പോലെ ഞങ്ങൾ മൂന്നു കൂട്ടുകാർ; ഞാനും, സുഗു എന്ന് ഞങ്ങൾ വിളിക്കുന്ന സുഹാദ അനി എന്ന് വിളിക്കുന്ന അനീഷയും. ക്ലാസിലെ എല്ലാവിധ വില്ലത്തരത്തിനും അലമ്പിനും പിറകിലുള്ള 'പാവം' കുട്ടികൾ.

ഒന്നാം വർഷം, സീനിയേഴ്സിന്റെ റാഗിങ് ശാന്തമായി അനുഭവിച്ചവർ. ഉള്ളിന്റെ ഉള്ളിൽ അവരോടുള്ള പക ഒളി പ്പിച്ചുവെച്ച്, അവരെ കാണുമ്പോൾ പുഞ്ചിരിച്ച് നടന്നു.

അങ്ങനെ ഒന്നാം വർഷം കടന്നുപോയി. പക, അത് വീട്ടാൻ ഉള്ളതാണ് എന്ന് ആരോ പറഞ്ഞതുപോലെ ഞങ്ങൾ ജൂനിയേഴ്സിന്റെ വരവിനായി കാത്തിരുന്നു. അങ്ങനെ കാത്തിരുന്ന സമയം വന്നെത്തി.

ജൂനിയർ വിദ്യാർഥികളെ റാഗ് ചെയ്യാൻ പാടില്ല എന്ന അറിയിപ്പ് ഇടക്കിടെ വന്നുകൊണ്ടിരുന്നു. എന്നാൽ, ആ അറിയിപിനോട് തൽക്കാലം പോയി പണിനോക്കാൻ ഞങ്ങൾ പറഞ്ഞു.