ശ്രുതി മധുരം

10 വർഷം, 14 സിനിമകൾ, ചെറുതും വലുതുമായ കഥാപാത്രങ്ങൾ...അതിലെല്ലാം തന്റേതായ കൈയൊപ് പതിപ്പിക്കാൻ ശ്രുതിക്ക് കഴിഞ്ഞു

- ബ്ലെസി ബോബി

ആർക്കിടെക്ട്, പ്രഫസർ, അഭിനേത്രി എന്നിങ്ങനെ മൂന്ന് പ്രഫഷനിലൂടെ സഞ്ചരിച്ചയാളാണ് ശ്രുതി രാമചന്ദ്രൻ. ആർക്കിടെക്ടായി തുടക്കം. പിന്നെ ആർക്കിടെക്ട് പ്രഫസറായി. പഠിച്ചും പഠിപ്പിച്ചും മുന്നോട്ടുപോകുന്നതിനിടെ എപ്പോഴോ സിനിമയിലെത്തി. ചെറുതും വലുതുമായ ഒരുപിടി കഥാപാത്രങ്ങൾ. അതിലെല്ലാം തന്റേതായ കൈയൊപ്പ് പതിപ്പിക്കാൻ ശ്രുതിക്ക് കഴിഞ്ഞു. സിനിമയും ജീവിതവും മാധ്യമം 'കുടുംബ'വുമായി ശ്രുതി പങ്കുവെക്കുന്നു.

10 വർഷം, 14 സിനിമകൾ

ആക്ടിങ് ബാക്ഗ്രൗണ്ടുള്ളയാളല്ല ഞാൻ. 2014ൽ ഇറങ്ങിയ 'ഞാൻ' ആയിരുന്നു ആദ്യ സിനിമ. അതുകഴിഞ്ഞ് 'പ്രേതം'. ശേഷമാണ് സിനിമയെ കുറച്ചുകൂടി സീരിയസായി കാണാൻ തുടങ്ങിയത്. എല്ലാവർക്കും ഒരു സ്ട്രോങ് പോയന്റുണ്ടാകും. എന്റെ കണ്ണ് നല്ലതാണെന്ന് പലരും പറഞ്ഞിട്ടുണ്ട്. 'മധുര'ത്തിലെ കണ്ണ് പോലെയായിരിക്കില്ല 'കാണെക്കാണെ'യിലേത്. നൃത്തം പഠിച്ചത് സിനിമ അഭിനയം എളുപ്പമാക്കിയിട്ടുണ്ട്.

'നീരജ'യും തയാറെടുപ്പുകളും

ആസ്വദിച്ച് ചെയ്ത സിനിമയാണ് 'നീരജ, കഥാപാത്രത്തിന്റെ തീവ്രത പ്രേക്ഷകരിലേക്കെത്തി എന്നുതന്നെയാണ് വിശ്വാസം. ചിത്രത്തിന്റെ സംവിധായകൻ രാജേഷേട്ടൻ (രാജേഷ് കെ. രാമൻ) കഥ അവതരിപ്പിച്ച ഒരു രീതിയുണ്ട്. ഇത്രയും സെൻസിറ്റിവായ വിഷയം സംവിധായകൻ എങ്ങനെ കൈകാര്യം ചെയ്യുമെന്നത് വളരെ പ്രധാനപ്പെട്ട കാര്യമാണ്. അദ്ദേഹത്തോട് എന്റെ ഐഡിയകൾ പറയാനുള്ള സ്പേസ് ഉണ്ടായിരുന്നു. നല്ലതാണെങ്കിൽ സ്വീകരിക്കാനും അല്ലാത്തത് തുറന്നു പറയാന്നും ശ്രമിക്കുന്ന ഒരാളാണ് രാജേഷേട്ടൻ.

ഏറ്റവും പ്രിയം കഥാപാത്രം