പോരാട്ടം മണ്ണിനോടും അനീതിയോടും

പ്രായത്തിന് ചെക്ക്പറഞ്ഞ ചെക്കുട്ടിക്ക് പറയാനുള്ളത് പ്രായത്തിൽ കവിഞ്ഞ അനുഭവങ്ങളാണ്. വയസ്സ് 106ലെത്തിയെങ്കിലും കൃഷിയെക്കുറിച്ച് ചോദിച്ചാൽ ചെറുപ്പത്തിന്റെ തിളക്കമാണ്

- അഭിരാമി ഒതയോത്ത്

അധ്വാനിക്കാൻ പ്രായം വിലങ്ങുതടിയായി തോന്നിയിട്ടുണ്ടെങ്കിൽ ചെക്കൂട്ടിയെ കണ്ടുപഠിക്കണം. പ്രായത്തിന് ചെക്ക്പറഞ്ഞ കോഴിക്കോട് ബാലുശ്ശേരി മണ്ണാംപൊയിൽ അരീപ്രം മുക്കിലെ കർഷകനായ ചെക്കൂട്ടിക്ക് പറയാനുള്ളത് പ്രായത്തിൽ കവിഞ്ഞ അനുഭവങ്ങളാണ്. ഇതിഹാസം ഒളിപ്പിച്ച വീട്ടിൽ ഓർമകൾ പേറിക്കഴിയുന്ന ഇദ്ദേഹത്തിന് പറയാനുള്ള ത് തലമുറകളെ ഊട്ടിയതിന്റെ കഥകളാണ്.

കൃഷിയേ ഉലകം

വയസ്സ് 106ലെത്തിയെങ്കിലും ചെക്കൂട്ടിക്ക് കൃഷിയെക്കുറി ച്ച് ചോദിച്ചാൽ ചെറുപ്പത്തിന്റെ തിളക്കമാണ്. നേരം വെളുത്താൽ കൃഷിയറിയാനും പഠിക്കാനും നാട്ടുകാരും കുട്ടിക ളും തേടിയെത്തും. വർഷങ്ങളും സംഭവങ്ങളും വ്യക്തികളുമെല്ലാം തെറ്റാതെ ഓർത്തെടുത്ത് അവരുടെ ചോദ്യങ്ങൾക്ക് മറുപടി പറയും.