કોંગ્રેસનું હાથ જોડો અભિયાન કેટલુ સફળ થશે?

કોંગ્રેસની સમસ્યા એ છે કે, ઘણાં બધાં રાજ્યોમાં તાલુકા કક્ષા સુધી કોઈ સંગઠન અસ્તિત્વ ધરાવતું નથી

રાહુલ ગાંધીની ભારત જોડો યાત્રા પૂર્ણ થવામાં છે. આ યાત્રાની ફલશ્રુતિ વિશે કોંગ્રેસ દ્વારા મોટા દાવા કરવામાં આવશે, પરંતુ હકીકત એ છે કે આ યાત્રાની ઘણી પોઝિટિવ બાબતો અને અસરો રહી હોવાથી તેનો લાભ મેળવવા માટે કોંગ્રેસ પાસે અનેક રાજ્યોમાં સંગઠનનું યોગ્ય માળખું નથી. તેમ જ આ યાત્રાની અનેક બાબતો અને અનેક પાસાંઓ તો માત્ર દેખાવ પૂરતા અને પ્રચાર સુધી મર્યાદિત હોવાનું જણાયું છે. તેની સ્થાયી અસરો બહુ ઓછી હશે, પરંતુ કોંગ્રેસ હવે ભારત જોડો યાત્રા પૂર્ણ થયા બાદ પક્ષ માટે એક નવા કાર્યક્રમની જાહેરાત કરવા જઈ રહી છે.