કોંગ્રેસ ૨૦૨૪ની ચૂંટણીમાં મહાગઠબંધન માટે સજ્જ

૨૦૨૪ની લોકસભાની ચૂંટણીમાં વિપક્ષો કોંગ્રેસના નેતૃત્વ હેઠળ એકત્ર થાય એવી અપેક્ષા રાખવામાં આવી છે, પરંતુ આ અપેક્ષા સામેની કેટલીક વરવી વાસ્તવિકતાઓ કોંગ્રેસની નેતાગીરીએ સમજવી પડે તેમ છે

- ચાણક્ય

રાયપુરમાં કોંગ્રેસના યોજાયેલા મહાસંમેલનમાં પસાર કરાયેલા રાજકીય ઠરાવમાં ૨૦૨૪ની લોકસભાની ચૂંટણી માટે કોંગ્રેસના નેતૃત્વ હેઠળ વિરોધ પક્ષોના મહા જોડાણ માટે આહ્વાન કરવામાં આવ્યું છે. ઠરાવમાં જણાવાયું છે કે, વર્તમાનમાં કેન્દ્રમાં સત્તા ઉપર રહેલા એનડીએના જોડાણને પરાસ્ત કરવા માટે સમાન વિચારધારા ધરાવતા વિપક્ષોએ સંગઠિત થવાની તાતી જરૂરિયાત છે. એ સ્થિતિમાં ભાજપ-એનડીએ સામે જો કોઈ ત્રીજો મોરચો અસ્તિત્વમાં આવશે તો તેનાથી ભાજપને ફાયદો થશે.

૨૦૨૪ની લોકસભાની ચૂંટણીમાં વિપક્ષો કોંગ્રેસના નેતૃત્વ હેઠળ એકત્ર થાય એવી અપેક્ષા રાખવામાં આવી છે, પરંતુ આ અપેક્ષા સામેની કેટલીક વરવી વાસ્તવિકતાઓ કોંગ્રેસની નેતાગીરીએ સમજવી પડે તેમ છે. કોંગ્રેસમાં ચૂંટણીનું નેતૃત્વ કોણ કરશે અથવા તો વડાપ્રધાન પદના કોંગ્રેસના દાવેદાર કોણ હશે? એ પ્રશ્ન પણ મહત્ત્વનો બની રહેવાનો છે.