નીતિ આયોગની બેઠકનો મમતાનો બહિષ્કાર શા કારણે?

હકીકત એ છે કે નીતિ આયોગની બેઠકમાં હાજરી આપીને બહિષ્કાર કરી બહાર નીકળી જવાનો તેમનો પ્લાન પહેલેથી નિશ્ચિત હતો. તેમના પક્ષના કેટલાક નેતાઓ તે જાણતા હતા

- ચાણક્ય

પશ્ચિમ બંગાળનાં મુખ્યપ્રધાન મમતા બેનરજીએ ૨૭ જુલાઈએ નીતિ આયોગની ગવર્નિંગ કાઉન્સિલની બેઠકમાં જે નાટક કર્યું એ મુખ્યપ્રધાન પદે બિરાજનાર વ્યક્તિ માટે કોઈ રીતે શોભાસ્પદ નથી. જુઠ્ઠાણાંનો કારોબાર લોકસભાની ચૂંટણી પછી બંધ થવો જોઈએ. ઇન્ડી ગઠબંધનના નેતાઓ એ હજુ ચલાવી રહ્યા છે. નીતિ આયોગની બેઠકમાંથી બહાર આવીને મમતા બેનરજીએ જે કહ્યું તેમાં માત્ર રાજકારણ હતું. તથ્ય કે સત્ય નહીં. તેમણે કહ્યું કે, બેઠકમાં તેમને બોલવા દેવામાં ન આવ્યાં. તેમને પાંચ મિનિટનો સમય અપાયો. બીજાને વધુ સમય અપાયો. તેમનું માઇક બંધ કરી દેવાયું. એટલે તેઓ બેઠકનો બહિષ્કાર કરીને બહાર આવી ગયાં છે. બેઠકમાં તેઓ એકમાત્ર વિપક્ષનાં નેતા હતાં અને વિપક્ષનું પ્રતિનિધિત્વ કરી રહ્યાં હતાં છતાં તેમને વધુ સમય અપાયો નહીં. હું હવે નીતિ આયોગની કોઈ બેઠકમાં જવાની નથી. નીતિ આયોગ પાસે કોઈ નાણાકીય પાવર નથી.