બધું ચાલ્યા કરે છે..

બાપદાદાઓના સંસ્કાર લોહીમાં ભળેલા હોય છે. ક્યારેક ત્રીજી-ચોથી પેઢીએ દેખા દે

- હિતેન આનંદપરા

એ જ તારા અહમને ખટકે છે 

ક્યાં કશું આ જગતમાં અટકે છે? 

                                                            - ગુણવંત ઠક્કર ‘ધીરજ'

અહમ્ બ્રહ્માસ્મિ એટલે હું જ બ્રહ્મ છું. અહીં અહમનો અર્થ આત્માના સંદર્ભે છે. બ્રહ્મ એટલે કોઈ દેવ કે પ્રતિમા નહીં, પણ સર્વવ્યાપી ચેતના. અસ્મિ એટલે બ્રહ્મ અને આત્માનું એકાકાર થવું. બૃહદારણ્યક ઉપનિષદમાં પ્રસિદ્ધ આ ઉક્તિનો અર્થ આપણે બદલાવી નાખ્યો છે. આપણે આત્માને બદલે દેહને સ્થાપી દીધો છે. દેહની વાત આવે એટલે હું આવે. હું આવે એટલે એની સાથે એક પર એક ફ્રીની જેમ અહંકાર ઉપલબ્ધ જ હોય. આમેય ફ્રીનું આકર્ષણ મૂળ કરતાં વધારે હોય છે.