આંગળી ચીંધવાનું પુણ્ય

ફૅશન ડિઝાઈનર તરીકેની ઊજળી કરિયર સાથે એણે ગુજરાતના ગ્રામીણ વિસ્તારોની હજારો સ્ત્રીઓને એમની કળા ઘરબહાર લાવવામાં મદદ કરી. આ કહાણી છે એવી મહિલાની, જેમણે હજારો પ્રતિભાવાન મહિલાઓને પગભર કરવાની લીધી છે નેમ.

- હેતલ રાવ

દીકરી તો લક્ષ્મીનો અવતાર કહેવાય, પણ મારા પતિએ કહ્યું કે તારી દીકરીનાં પગલાં સારાં નથી. એનો જન્મ થયો અને મારી બહેન ભારો વ વાંક તારી કુખે માટે. પતિના અમને કહ્યા વગર કોઈની સાથે લગ્ન કરીને ચાલી ગઈ. આ બધો જન્મ લેનાર દીકરીનો છે... અપશુકનિયાળ છે એ અમારા ઘર આ શબ્દો સાંભળી અમદાવાદમાં રહેતી વિશાખા મહેતા સ્તબ્ધ થઈ ગઈ.

વારંવાર પતિના તારી દીકરી તો અપશુકનિયાળ છે જેવા શબ્દો વિશાખાના કાનમાં ગુંજતા. એ વિચારતી કે મારી દીકરી... માત્ર મારી દીકરી..? એની કોઈ નહીં? પરિવારની પણ કોઈ નહીં? આવા તે કેવા લોકો જે પોતાના જ લોહીને જન્મની મિનિટોમાં પારકું કરી દે. એ પણ માત્ર એટલા માટે કે એ દીકરી છે?

એક દિવસ વિશાખા આવા વિચારમાં ખોવાયેલી હતી ત્યારે પતિદેવનું ફરમાન આવ્યું: જે આવી અશુભ દીકરીને જન્મ આપે એની સાથે મારે નથી રહેવું, આજથી તું અને હું છૂટાં..!

એક જ પળમાં વિશાખાનું જીવન બદલાઈ ગયું. હવે એની પાસે બીજો કોઈ રસ્તો નહોતો. નવજાત દીકરી ખોળામાં હતી. વિશાખા ડિપ્રેશનમાં સરી પડી. શું કરીશ? ક્યાં જઈશ? કેવી રીતે આ પહાડ જેવી સમસ્યાનું સમાધાન કરીશ? આ મૂંઝવણને ઉકેલવાની મથામણમાં એ વધુ ને વધુ માનસિક તણાવમાં આવી. એક વાર તો એવો પણ વિચાર આવ્યો કે દીકરીને લઈને આપઘાત કરે... પણ એ સમયે એને સાથ મળ્યો એવી મહિલાનો જેણે વિશાખાને વિશ્વાસ અપાવ્યો કે એ ધારે તો ઘણું કરી શકે છે.

વિશાખા આયુર્વેદિક હેરઑઈલ બનાવવામાં માસ્ટર હતી. એની એ કળાએ એને પગભર બનાવી. આજે એની દીકરી એન્જિનિયર બનીને સારા હોદ્દા પર કામ કરે છે. વિશાખાનો બિઝનેસ પણ હવે તો બહુ ફેલાયો છે. જો એ સમયે વિશાખાને સાચી રાહ ચીંધનારું, એના હુન્નરને પારખીને એને સાચા અર્થમાં આત્મનિર્ભર બનાવનારું કોઈ ન હોત તો કદાચ આજે વિશાખા અને એની દીકરી જીવતાં ન હોત. વિશાખા જેવી હજારો મહિલાઓને પગભર બનાવી, એમના હુન્નરને દેશ-વિદેશમાં ઓળખ અપાવનારાં છે કલ્યાણી સાહસિક મહિલા વિકાસ સંઘનાં સ્થાપક અમદાવાદનાં હેતલ અમીન...