വർക് ഫ്രം ഹോം

“നീയെന്നെ പിടിക്കണ്ടെടാ തോമസുകുട്ടി..കൈ മാറ്റ്. ഞാൻ... ഫിറ്റല്ലെടാ!... ഫിറ്റല്ലെന്ന്....

- സുന്ദർജി

നേരം പരപരാന്ന് വെളുത്തു വരുന്നേ ഒള്ളൂ. അതെന്താ അങ്ങനെ പരപരാന്ന്. 

ങാ ! അതാണ് അതിന്റെ ഒരു ഇത്. കൂടുതലൊന്നും ഇങ്ങോട്ട് ചോദി ക്കണ്ടാ. ഇന്നത്തെ പ്രധാന പിഡികൾ (പരദൂഷണങ്ങൾ) മൊബൈലിൽ കുത്തി ചികഞ്ഞിരിക്കുമ്പോൾ സ്റ്റേജിന്റെ വലതു ഭാഗത്തുനിന്ന് അശരീരി. ഇങ്ങനെ കോഴീടെ കൂട്ട് ചിക്കി ചികഞ്ഞിരുന്നാ മതിയല്ലോ. വല്ലതും അറിയണോ ഡോക്ടർ സാറേ ആ കൊച്ചിന്റെ കാര്യത്തിൽ നിങ്ങൾക്ക് വല്ലോം ചെയ്യാൻ പറ്റുമോ?

ഇനിയിപ്പോൾ രാവണന്റെ വരവുണ്ട് എന്നു പറഞ്ഞപോലെ അശരീരിക്കു പിറകേ സൗദാമിനീടെ വരവുണ്ടാകും. ഉറപ്പായി.