ഡിജിറ്റൽ മാധ്യമപഠനവും സാധ്യതകളും

മാധ്യമമേഖലയിലെ ഈ ഡിജിറ്റലൈസേഷൻ മാറ്റങ്ങൾ മാധ്യമ പഠനമേഖലയിലും പ്രതിഫലിക്കുന്നുണ്ട്.

- ശ്രീക്കുട്ടി എസ്.

ഡിജിറ്റലൈസേഷന്റെ ഈ കാലഘട്ടത്തിൽ മാധ്യമപഠനവും ഡിജിറ്റലാവുകയാണ്, സമ്പൂർണ ഡിജിറ്റൽ എന്ന ഘട്ടത്തിലേക്ക് എത്തിയിട്ടില്ലെങ്കിലും എല്ലാ പ്രമുഖ മാധ്യമസ്ഥാപനങ്ങൾക്കും ഡിജിറ്റൽ പ്ലാറ്റ്ഫോമുകളും ഓൺലൈൻ എഡിഷനുകളുമുണ്ട്. മാറിവരുന്ന ഡിജിറ്റൽ ടെക്നോളജിയിൽ ജേണലിസത്തിന്റെ സാധ്യതയും വിപുലമായിട്ടുണ്ട്.

മാധ്യമമേഖലയിലെ ഈ ഡിജിറ്റലൈസേഷൻ മാറ്റങ്ങൾ മാധ്യമ പഠനമേഖലയിലും പ്രതിഫലിക്കുന്നുണ്ട്. പരമ്പരാഗത മാധ്യമപ്രവർത്തന രീതികൾ മനസ്സിലാക്കുന്നതിനോടൊപ്പം ഡിജിറ്റൽ മേഖലയിലെ തൊഴിൽ സാധ്യതകൾക്കൂടി ഉൾക്കൊണ്ടാണ് ഇന്ന് മാധ്യമപഠന കോഴ്സുകൾ രൂപവത്കരിക്കുന്നത്. മാസ് കമ്യൂണിക്കേഷൻ ആൻഡ് ജേണലിസം എന്ന ബൃഹത്തായ പഠനശാഖയിൽ പത്രപ്രവർത്തനം (Print media Journalism), ദൃശ്യമാധ്യമപ്രവർത്തനം (Broadcast Journalism), സിനിമ, അഡ്വർടൈസിങ്, പബ്ലിക് റിലേഷൻസ് എന്നിവയോടൊപ്പം അതേ പ്രാധാന്യത്തോടെ ഓൺലൈൻ ജേണലിസവും അല്ലെങ്കിൽ ഡിജിറ്റൽ ജേണലിസവും ഇന്ന് ഉൾക്കൊള്ളിച്ചിരിക്കുന്നു.

സർഗാത്മകത, നിരീക്ഷണ പാടവം എന്നീ പരമ്പരാഗത കഴിവുകളോടൊപ്പം സാങ്കേതിക പരിജ്ഞാനം, സോഷ്യൽ മീഡിയ പേജുകൾ കൈകാര്യം ചെയ്യാനുള്ള കഴിവ്, ഇന്ററാക്ടീവ് കണ്ടന്റുകൾ രൂപപ്പെടുത്തിയെടുക്കാനുള്ള താത്പര്യം എന്നിവയൊക്കെ ഡിജിറ്റൽ ജേണലിസ്റ്റിന് അത്യാവശ്യമാണ്. റിപ്പോർട്ടർ, ന്യൂസ് പ്രെസന്റർ, ക്യാമറ പേഴ്സൺ, ഫോട്ടോഗ്രാഫർ, എഡിറ്റർ എന്നീ സ്ഥിരം റോളുകളോടൊപ്പം ഡിജിറ്റൽ മാധ്യമമേഖല തേടുന്ന മറ്റുചില തസ്തികകളും രൂപപ്പെട്ടിരിക്കുന്നു. അവ ചുവടെ: