உதவித் தொகை கட்! பரிதவிப்பில் பார்வையற்ற தம்பதியர்!

தூத்துக்குடி மாவட்டத்தின் ஒட்டப்பிடாரம் பகுதியின் புதுப்பச்சேரி கிராமத்தைச் சேர்ந்த முதியவர் பெரியசாமி, அவரது மனைவி மாலதி.

- ப.இராம்குமார்

தம்பதியர் இருவருமே பார்வையற்றவர்கள். முதியவர்களான இவர்களின் அன்றாட வாழ்க்கை அரசு கொடுத்து உதவிவந்த பார்வையற்றோர் உதவித்தொகை நிறுத்தப்பட்டதால் கேள்வியாகியிருக்கிறது.

ஜீவனத்திற்காக சராசரி மனிதர்களே சங்கடப்படுகிறபோது பார்வையற்ற இவர்களின் அன்றாட ஜீவனம் எப்படி இருக்கும்?

தகவல் கேள்விப்பட்ட நாம் அவர்களிடம் பேசினோம்...

"ஐயா பொறக்கும்போதே நாங்கள் மத்த மனிதர்களைப் போல நல்லா பார்வையோடதான் பொறந்தோம். அந்தக் காலத்தில், எனக்கு ரெண்டரை வயசு இருக்குறப்ப வைசூரி போட்டுச்சு. கடுமையான காய்ச்சலும் கண்டிருந்திச்சு. வைசூரியால் எனக்கு ரெண்டு கண்ணு பார்வையும் போயிருச்சி. ஏழு வயசு வரைக்கும் தாய் தகப்பனார் பராமரிப்பிலிருந்தேன். அப்புறமா பாளையிலுள் பார்வையற்றோர் பள்ளியில் எங்கப்பா சேர்த்துட்டார். அங்க எனக்கு சாப்பாடு, படிப்பெல்லாம் குடுத்தாக. பத்தாம் கிளாஸ் வரை அங்க படிச்சேன். அது வெள்ளைக் காரன் உருவாக்குன பள்ளி..