అంబరాన్నంటిన సంబరం

కన్నుల పండువుగా లాల్ దర్వాజ, అంబర్పేట్ బోనాలు

కన్నుల పండువుగా లాల్ దర్వాజ, అంబర్పేట్ బోనాలు 

• భాగ్యనగరంలో ఉప్పొంగిన భక్తుల హృదయాలు..

• భక్తులతో కిక్కిరిసిన లాల్దర్వాజ అమ్మవారి ఆలయం..

• పట్టు వస్త్రాలు సమర్పించిన మంత్రి ఇంద్రకరణ్ రెడ్డి..

• నేడు రంగం, ఘటం ఊరేగింపు..

• బంగారు బోనాలు సమర్పించిన షర్మిల, పీవీ సింధు

• రాష్ట్ర ప్రజలకు శుభాకాంక్షలు తెలిపిన సీఎం, గవర్నర్

తెలంగాణ సంస్కృతి, సంప్రదాయాలకు ప్రతీకగా నిలిచే లాల్దర్వాజా సింహవాహిని మహంకాళి ఆషాఢ బోనాలకు భాగ్యనగరం ముస్తాబైంది. లాల్ దర్వాజ సింహవాహిని శ్రీ మహంకాళి అమ్మవారు సర్వాంగ సుందరంగా ముస్తాబై భక్తులకు దర్శనమిచ్చింది.. చరిత్రాత్మక హైదరాబాద్ లాల్దర్వాజా సింహవాహిని మాతా మహంకాళి ఆలయంలో బోనాల జాతర అంగరంగ వైభవంగా జరిగాయి.. తెల్లవారుజామున పూజల అనంతరం అమ్మవారికి బోనాల సమర్పణతో వేడుకలు ఆరంభమైయ్యాయి. గోల్కొండ కోటపై జగదాంబికా అమ్మవారికి మూడు వారాలుగా బోనాల ప్రత్యేక పూజలు జరుగుతున్న విషయం తెలిసిందే.