మంటగలిసిన మానవత్వం

• ఎండలో పడిగాపులు..తిండిలేక విలవిల.. • మృత్యువు ఒడిలోకి కూలీ..అడవిలోనే పూడ్చిన దైన్యం.. • కూలీ డబ్బులు ఇవ్వకుండా వేధిస్తున్న అటవీశాఖ అధికారులు.. • బిల్లులు రాలేదంటూ కాలయాపన.. • రోడ్లపైనే రోజులు వెళ్లదీస్తున్న కూలీలు.. • ఎంపీకి తెలపాలంటూ కన్నీటి పర్యంతం..

మధ్యప్రదేశ్ కూలీల అరణ్యరోధన

• ఎండలో పడిగాపులు..తిండిలేక విలవిల..

• మృత్యువు ఒడిలోకి కూలీ..అడవిలోనే పూడ్చిన దైన్యం..

• కూలీ డబ్బులు ఇవ్వకుండా వేధిస్తున్న అటవీశాఖ అధికారులు..

• బిల్లులు రాలేదంటూ కాలయాపన..

• రోడ్లపైనే రోజులు వెళ్లదీస్తున్న కూలీలు..

• ఎంపీకి తెలపాలంటూ కన్నీటి పర్యంతం..

మనిషి మరణం తరువాత చేసిన పాపాలను బట్టి నరకానికి వెళ్తారు.అంటారు. కాని ఇక్కడ బతికుండగానే నరకం చూపిస్తున్నారు. కదిలిస్తే కళ్లనుంచి జాలువారుతున్న నీళ్లే.పలకరిస్తే దుఖం గొంతులో బిగపట్టుకొని ముభావంగా ఉండటమే తప్ప చేసేది ఏమీ లేదు. పాపం వీరికి భాష రాదు, రాష్ట్రంకాని రాష్ట్రం. ఆదుకునే, అడిగే దిక్కులేదు. ఎక్కడో అటవీ ప్రాంతం బయటికి రాలేరు.. ఎవరికీ చెప్పుకోలేరు.వెళామనుకున్నా పంపించరు. తోటి కూలీ ఎవరైనా మరణిస్తే మృతదేహాన్ని ఇంటికి చేర్చే దిక్కుండదు..