అవినీతికి కేరాఫ్ అడ్రస్ నాంపల్లి రాజేష్

నిజాయితీగా విధులు నిర్వహించే ఉద్యోగులు కొందరైతే.. తమ విధులను మరచి అక్రమార్జనకు అలవాటుపడి ప్రభుత్వానికి మచ్చతెస్తున్న ఉద్యోగులు మరికొందరు.

• నిజామాబాద్ డీఈఓగా ఉన్నప్పుడు 14 అభియోగాలు నిరూపించబడ్డ అధికారి 

• అతనిపై చర్యలు తీసుకోవాలని ప్రభుత్వ ఉత్తర్వులు ( జీ.ఓ.ఆర్.టి. నెంబర్ 122/ తేదీ. 10-10-2018 ) ఉన్నా ఉన్నతాధికారులు ఎందుకు ఉపేక్షిస్తున్నారు.. ?

• పోక్సో కేసులో నిందితుడిగా వున్న స్కూల్ అసిస్టెంట్ గంగాదాస్పై కఠిన చర్యలు తీసుకోకుండా.. నిస్సిగ్గుగా వదిలేసిన నాంపల్లి రాజేష్..

• నాంపల్లి రాజేషపై చర్యలు తీసుకోకపోవడంతో తిరిగి తప్పులు చేస్తున్న వైనం..

• ఇటీవల రూ.50 వేలు లంచం తీసుకుంటూ దొరికి, జైలు శిక్ష అనుభవిస్తున్న రాజేష్..

• ఇలాంటి వారిని ఉపేక్షించకుండా శాశ్వతంగా విధులనుండి తొలగించాలి..

నిజాయితీగా విధులు నిర్వహించే ఉద్యోగులు కొందరైతే.. తమ విధులను మరచి అక్రమార్జనకు అలవాటుపడి ప్రభుత్వానికి మచ్చతెస్తున్న ఉద్యోగులు మరికొందరు.. ప్రజలు కట్టే పన్నులతో జీతాలు తీసుకుంటూ.. అధిక సంపాదనకు మరిగి తాము చేస్తోంది తప్పు అని తెలిసినా, మనసాక్షిని సైతం మోసం చేస్తూ లంచాల మత్తులో జోగుతున్న కొందరు అధికారులపై.. ఉన్నత స్థాయి అధికారులు సకాలంలో కఠిన చర్యలు తీసుకోకపోవడంతో..అలాంటి అవినీతి అధికారులు బుద్ధిని మార్చుకోకుండా అవినీతి చర్యలకు పాల్పడుతూనే ఉన్నారు.. ఇలాంటి వారిని ఉపేక్షించడం కూడా నేరమవుతుంది.. ప్రతి చోటా అవినీతి రాజ్యమేలుతుండటంతో సమాజంలో వ్యవస్థ భ్రష్టుపట్టి పోయి.. ప్రజా సంక్షేమం రోజు రోజుకి క్షీణించిపోవడం శోచనీయం..