రేవంత్ రెడ్డి పాత బుద్దులు మళ్ళీ బయటకి వస్తున్నాయి

• మా పార్టీ కార్యకర్తలపై దాడులుచేస్తే సహించేదిలేదు.. • కాంగ్రెస్ వాళ్లు ఇటుకలతో కొడితే, తాము రాళ్లతో కొట్టే రోజులు దగ్గర్లోనే ఉన్నాయి..

• రేవంత్ సీఎం అవుతాడని ముందే తెలిస్తే కాంగ్రెస్ పార్టీకి 30 సీట్లు కూడా వచ్చేవి కావు 

• కాంగ్రెస్ ప్రభుత్వం చేస్తున్న దాడులపై మండిపడ్డ బీఆర్ఎస్ పార్టీ వర్కింగ్ ప్రెసిడెంట్ కేటీఆర్ 

హైదరాబాద్ 25, ఫిబ్రవరి (ఆదాబ్ హైదరాబాద్): అధికారంలోకి వచ్చాక బీఆర్ఎస్ పార్టీ కార్యకర్తలు, నాయకులపై జరుగుతున్న డాడులను బీఆర్ఎస్ పార్టీ వర్కింగ్ ప్రెసిడెంట్, మాజీ మంత్రి కేటీ రామారావు ఖండించారు. పార్టీ కార్యకర్తలపై దాడులు చేస్తే ఊరుకునేది లేదని హెచ్చరించారు. మరికొద్ది రోజులు భరిస్తాం..తర్వతా వాళ్లు ఇటుకలతో కొడితే తాము రాళ్లతోనే కొడతామని చెప్పారు. రేవంత్ రెడ్డి ముఖ్యమంత్రి అవుతాడని ముందే చెప్పి ఉంటే కాంగ్రెస్ కు 30 సీట్లు కూడా రాకపోతుండే అని తెలిపారు. రేవంత్ రెడ్డి స్వగ్రామం కొండారెడ్డిపల్లిలో కూడా కాంగ్రెస్ అధికారంలోకి వస్తుందని ఎవరూ అనుకోలేదని పేర్కొన్నారు.