అక్రమార్కులు ఎంతటివారైనా..విడిచిపెట్టం

• తెలంగాణలో కాంగ్రెస్ పాలనకు 100 రోజులు పూర్తి ల • రాష్ట్రంలో ఊహించని విధంగా పరిమళాలు వెదజల్లుతున్న కలుపు మొక్కలు.. • కేసీఆర్ నాటిన కలుపు, గంజాయి మొక్కలన్నింటిని ఏరిపారేస్తున్నాం..

• కేసీఆర్ నయా నిజాంలా వ్యవహరించారు..

• ప్రభుత్వాన్ని పడగొడతామంటే చూస్తూ ఊరుకోం..

• ఇక నుంచి నా రాజకీయం ఏంటో చూపిస్తా..!

• కేంద్రం, గవర్నర్, రాజ్యాంగం వ్యవస్థతో ఘర్షణ పడబోం

• 'మీట్ ద ప్రెస్' కార్యక్రమం నిర్వహించిన సీఎం రేవంత్రెడ్డి..

కేసీఆర్ నాటిన కలుపు, గంజాయి మొక్కలన్ని.. ఇంకా కూడా ఊహించని విధంగా పరిమళాలు వెదజల్లుతునే ఉన్నాయి.. వాటిని పీకేసే పనిలోనే వున్నా..రోజుకు 18గంటలు పనిచేసైనాసరే తెలంగాణ రాష్ట్రంలో ఒక్క గంజాయి మొక్క లేకుండా పీకిపారేస్తా..

- సీఎం రేవంత్రెడ్డి

హైదరాబాద్,17 మార్చి (ఆదాబ్ హైదరాబాద్): కాంగ్రెస్ ప్రభుత్వ పాలనకు 100 రోజులు పూర్తయిన సందర్భంగా హైదరాబాద్లో ఆదివారం నాడు జరిగిన “మీట్ ది ప్రెస్" కార్యక్రమంలో సీఎం రేవంత్ మాట్లాడారు. తెలంగాణలో పార్లమెంట్ ఎన్నికలకు నగారా మోగిందని.. ఇప్పటి నుంచి తన రాజకీయం ఏంటో బీఆర్ఎస్, బీజేపీ పార్టీలకు చూపిస్తానని ముఖ్యమంత్రి రేవంత్రెడ్డి హెచ్చరించారు. నిజాం ఎన్ని అభివృద్ధి పనులు చేసినా.. నిరంకుశత్వాన్ని ప్రయోగించారని అన్నారు. ఖాసిం రజ్వీ తెలంగాణలో తన ఆధిపత్యం, అధికారంపై తిరుగుబాటు చేసిన వారిని బీఆర్ఎస్ అధినేత కేసీఆర్ అణిచివేసే ప్రయత్నం చేశారన్నారు. సచివాలయం, కాళేశ్వరం లాంటివి చూపి ప్రజల స్వేచ్ఛను హరించారని చెప్పారు.