డీఎస్ఈలో తిష్టవేసిన త్రిమూర్తులు

• ముప్పై ఏండ్లకు పైగా డైరెక్టర్ ఆఫ్ స్కూల్ ఎడ్యూకేషన్ లోనే మకాం

• తెలంగాణ ప్రభుత్వ ఉత్తర్వులు భేఖాతర్

• డీఎస్ఈలో తిష్ట రాయుళ్లు చెప్పిందే వేదం

• కిందిస్థాయి ఉద్యోగులను ఘోస పెట్టించుకుంటున్న వైనం

• ప్రమోషన్లు, బదిలీలు చేయించడంలో సిద్ధహస్తులు

• యధేచ్చగా అక్రమాలకు పాల్పడుతున్న చర్యలు శూన్యం

డీఎస్ఈలో కొందరూ వ్యవహరిస్తున్నట్లు తెలుస్తోంది. ఎక్కడ, ఏ పోస్టు అనే వివరాలు వెల్లడిస్తే ఎవరైనా బదిలీలు ఈజీగా కోరుకునే అవకాశం ఉంటుంది. ప్రభుత్వ ఆదేశాల ప్రకారం కేడర్ స్ట్రెన్తు, స్టేషన్ సీనియారిటీ, తప్పనిసరి బదిలీలు అయ్యోవారి జాబితాను ఉద్యోగులకి తెలియజేసిన తర్వాతే ఆప్షన్లు తీసుకోవాల్సి ఉంటుంది.

హైదరాబాద్ 17 జూలై (ఆదాబ్ హైదరాబాద్) : డైరెక్టర్ ఆఫ్ స్కూల్ ఎడ్యూకేషన్ లో పెద్ద తలకాయలదే రాజ్యం.. వాళ్లు చెప్పిందే వేదం.. త్రిమూర్తులు తిష్టవేసి కూర్చున్నారు. మూడు దశాబ్దాలుగా ముగ్గురు అధికారులు డీఎస్ఈలో పెత్తనం చెలాయిస్తున్నారు. పాఠశాల విద్యాశాఖను అవినీతి, అక్రమాలకు అడ్డాగా మార్చారు. ప్రభుత్వాలు మారిన కానీ, పాలకులతో అంటకాగుతూ అదే స్థానంలో కొనసాగుతూ అరాచకాలకు పాల్పడుతున్నారు. ఏళ్లుగా అక్కడే ఉంటూ కిందిస్థాయి ఉద్యోగులను ఘోసపెట్టించుకున్నారు. తెలంగాణలో కొన్నేండ్లుగా ఉద్యోగుల్లో బదిలీలు లేక ఎక్కడివారు అక్కడే పాతుకుపోయారు.

అయితే కొత్తగా వచ్చిన కాంగ్రెస్ ప్రభుత్వం ట్రాన్స్ ఫర్స్ చేసేందుకు పూనుకుంది. కానీ డైరెక్టర్ ఆఫ్ స్కూల్ ఎడ్యూకేషన్ లో మాత్రం ఆ జీఓ అమలు చేయకపోవడం విడ్డూరంగా ఉంది.