ప్రజాగళం'..!

అవినీతి పార్టీని అంతం చేద్దాం..: మోదీ ఎన్డీయే లోక్ సభ సీట్లు లక్ష్యం 400 జగన్ పార్టీ, కాంగ్రెస్ పార్టీ వేర్వేరు కాదు...

వైసీపీ వ్యతిరేక ఓటును కాంగ్రెస్కు మళ్లించే ప్రయత్నం జరుగుతోంది 

తెలుగులో ప్రసంగించిన ప్రధాని మోదీ 

ఎన్టీఆర్ ప్రస్తావనతో తెలుగువారిని ఆకట్టుకునే 

జగన్ క్యాబినెట్ మంత్రులపై తీవ్ర విమర్శలు 

అవినీతిలో ఒకరితో ఒకరు పోటీ పడుతున్నారని వ్యాఖ్యలు

చిలకలూరిపేట -ఆంధ్రనాడు, మార్చి 17 ఎన్డీయేకి ఓటు వేయాలి... ఎన్డీయే లోక్ సభ సీట్లు 400 దాటాలి అని ప్రధాని నరేంద్ర మోదీ పిలుపునిచ్చారు. ఏపీలో బీజేపీ, టీడీపీ, జనసేన పార్టీల కలయికతో కూటమి ఏర్పడిన సంగతి తెలిసిందే. కూటమి ఏర్పడ్డాక, నిన్న ఎన్నికల షెడ్యూల్ ప్రకటన వెలువడ్డాక తొలిసారిగా పల్నాడు జిల్లా చిలకలూరిపేట నియోజకవర్గం బొప్పూడి వద్ద భారీ బహిరంగ సభ నిర్వహించారు. ప్రధాని నరేంద్ర మోదీ ఈ సభకు హాజరవడంతో అత్యంత ప్రాముఖ్యత ఏర్పడింది. భారత్ మాతాకీ జై... నా ఆంధ్ర కుటుంబ సభ్యులందరికీ నమస్కారాలు అంటూ ప్రధాని నరేంద్ర మోదీ తెలుగులో ప్రసంగం ప్రారంభించారు. మీ అభిమానానికి నేను కృతజ్ఞతలు తెలుపుకుంటున్నాను అంటూ భారీగా తరలి వచ్చిన జనసందోహాన్ని చూసి  ఉత్సాహవంతంగా ప్రసంగించారు.ఇంజిన్ సర్కారుతో అభివృద్ధి సాధ్యమని అన్నారు. కేంద్రంలో తమ విజయంపై ఎలాంటి సందేహాలు లేవని, ఈసారి 400 సీట్లను పెట్టుకున్నామని తెలిపారు. ఏపీలోనూ టీడీపీ, జనసేన కలిసి రావడంతో ఎన్డీయే కూటమి రాష్ట్రంలోనూ విజయభేరి మోగిస్తుందని ప్రధాని మోదీ ధీమా వ్యక్తం చేశారు.

కోటప్పకొండ సాక్షిగా...