అభివృద్ధి-రాష్ట్ర ప్రయోజనాలే..ప్రథమ కర్తవ్యం

విభజన హామీలు అమలుకు ఎంపీలు కృషి చేయాలి * పరిశ్రమలను రాష్ట్రానికి తీసుకురావడమే లక్ష్యంగా పెట్టుకోవాలి * ముఖ్యమంత్రి నారా చంద్రబాబు నాయుడు * టీడీపీ పార్లమెంటరీ నేతగా ఎంపీ లావు శ్రీకృష్ణదేవరాయలు నియామకం

అమరావతి-ఆంధ్రనాడు, జూన్ 23 రాష్ట్రాభివృద్ధే ధ్యేయంగా పార్లమెంటు సభ్యు లందరూ పని చేయాలని, స్ఫూర్తిదాయకంగా నిలవాలని తెలుగుదేశం పార్టీ అధినేత, ముఖ్యమంత్రి నారా చంద్రబాబునాయుడు సూచించారు. రాష్ట్ర ప్రయోజనాలే ఎంపీల ప్రథమ కర్తవ్యం కావాలని దిశానిర్దేశం చేశారు. శనివారం మంగళగిరిలోని

తెలుగుదేశం పార్టీ జాతీయ కార్యాయలంలో టీడీపీ అధినేత నారా చంద్రబాబు నాయుడు అధ్యక్షతన పార్లమెంటరీ పార్టీ భేటీ జరిగింది.

ఈ సమావేశంలో పార్లమెంటులో లేవనెత్త వలసిన అంశాలు, అనుసరించాల్సిన విధి విధానాలుపై చర్చించారు. రాష్ట్రాభివృద్ధికి అవసరమైన నిధులు, ప్రాజెక్టులు, పథకాలు తీసుకువచ్చేలా కృషి చేయాలని సూచించారు.